ހުޅުމާލޭގައި މޫދަށް އެރި އުޅުނު ކުއްޖަކަށް ޖިންސީ ގޯނާ ކުރި މައްސަލައެއް ފުލުހުން ބަލަން ފަށައިފި

Hulhumale phase 2 beach

ހުޅުމާލޭގައި މޫދަށް އެރި އުޅުނު ކުއްޖަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލެއް ފުލުހުން ބަލަން ފަށައިފިއެވެ.

ފުލުހުން މިއަދު ބުނީ ހުޅުމާލެ މޫދަށް އެރި އުޅުނު ފިރިހެން ކުއްޖަކަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލައެއް ފުލުހުން ތަހުގީގު ކުރަމުން އަންނަ ކަމަށެވެ.

މީޑިއާ ތަކަށް ފޮނުވި މެސެޖުގައި އިތުރު ތަފުސީލް ހާމަނުކޮށް ފުލުހުން ބުނެފައިވަނީ އެ މައްސަލަ ރިޕޯޓްކޮށްފައިވަނީ މިދިޔަ ހުކުރު ދުވަހު ކަމަށެވެ.

އެކަމަކު ފުލުހުން މި މައްސަލަ ބަލަން ފެށުމުގެ ކުރީން ސޯޝަލް މީޑިއާގައި މީހަކު ވަނީ އެ ވާހަކަ ހިއްސާކޮށްފައެވެ.

އޭނާ ކުރި ޕޯސްޓުގައި ބުނަނީ ހުޅުމާލޭގައި މޫދަށް އެރި އުޅޭ އެހެން ކުދިން ކައިރީގައިވެސް މީހުން ނޫޅޭ އެކަހެރި ހިސާބުތަކަށް ދާން އެ ފިރިހެން މީހާ ބުނެފައިވާ ކަމަށެވެ. އޭގެ އިތުރުން އެ ކުދިންގެ ނުރުހުމުގައި ގައިގައި އަތްލާން އުޅުނުކަން ފަޅާއަރައިގެން އެ ފިރިހެން މީހާ ޕުލުހުންނާ ހަވާލު ކުރި ކަމަށްވެސް އެ ޕޯސްޓުގައި ބުނެފައިވެއެވެ.

އެ މީހާ އަކީ ހުޅުމާލެ ފޭސް ދޭއްގެ މާރުކޭޓުގައި މަސް ވިއްކަން އުޅޭ މީހެއްކަން ފާހަގަކޮށް، އޭނާގެ ފޮޓޯވެސް ވަނީ އެ ޕޯސްޓާ އެކު އާންމު ކޮށްފައެވެ.

ފުލުހުން ޖިންސީ ގޯނާ ހުޅުމާލެ