ވިޔަފާރިތައް ވެމްކޯގެ ޚިދުމަތަށް ގެނެސްގެން އިތުރު 15 މިލިޔަން ރުފިޔާ ހޯދޭނެ - އެމްޑީ

ވެމްކޯގެ އެމްޑީ

ވެމްކޯގެ ޚިދުމަތަށް ވިޔަފާރިތައް ގެނެސްގެން އިތުރު 15 މިލިއަން ރުފިޔާ ހޯދޭނެ ކަމަށް އެ ކުންފުނީގެ މެނޭޖިން ޑިރެކްޓަރ މުޖުތަބާ ޖަލީލް ވިދާޅުވެއްޖެއެވެ

ވެމްކޯގެ މެނޭޖިން ޑިރެކްޓަރ މުޖުތަބާ ޖަލީލް ވިދާޅުވީ މާލެ ސަރަހައްދުގައި ކުނި ނެގުމަށް ބިލްކުރަމުން އަންނަނީ ސްޓެލްކޯގެ ކަރަންޓު ބިލު ހިމެނޭ ނިޒާމުގެ ތެރެއިން ކަމަށެވެ. މިގޮތުން މާލޭގައި ވިޔަފާރިކުރާ 12،000 ތަނެއް ސްޓެލްކޯގެ ނިޒާމުގެ ތެރޭގައި ހިމެނޭއިރު އޭގެ ތެރެއިން ވެމްކޯގެ ކުނި ނެގުމުގެ ޚިދުމަތް ހޯދަނީ 2،000 ތަން ކަމަށް މެނޭޖިން ޑިރެކްޓަރ ވިދާޅުވިއެވެ.

މުޖުތަބާ ވިދާޅުވީ އަމާޒަކީ ބާކީ ހުރި 10،000 ތަނުގެ ތެރެއިން 8،000 ތަން ވެމްކޯގެ ކުނި ނަގައިދިނުމުގެ ޚިދުމަތުގެ ތެރެއަށް އަންނަ އަހަރު ނިމުމުގެ ކުރިން ގެނައުން ކަމަށެވެ. އޭރުން 15 މިލިޔަން ރުފިޔާ އާމްދަނީގެ ގޮތުގައި އިތުރުކުރެވޭނެކަމަށް ލަފާކުރެވޭކަމަށް މުޖުތަބާ ވިދާޅުވިއެވެ.

މުޖުތަބާ ވިދާޅުވީ މިދިޔަ ދެ މަސް ދުވަހުގެ ތެރޭގައި ހާހެއްހާ ތަނަށް ޒިޔާރަތްކުރެވިއްޖެކަމަށާއި އޭގެ ތެރެއިން 270 އަށްވުރެ ގިނަ ތަން ވެމްކޯގެ ޚިދުމަތަށް ގެނެވިއްޖެ ކަމަށެވެ.

ވެމްކޯ