އެމްޕީއެލް އާއި ޔޫތު މިނިސްޓްރީ ގުޅިގެން އެޕްރެންޓިސްޝިޕް ޕްރޮގްރާމް ފަށަނީ

އެމްޕީއެލްގެ ސީއީއޯ ވަޖީޙް މުއައްޒފުންގެ ކުރިއެރުމަށް ވަރަށް އިސްކަން ދެއްވާ

މިނިސްޓްރީ އޮފް ޔޫތް، އެމްޕަވަމަންޓް، އިންފޮމޭޝަން އެންޑް އާރޓްސް އާއި މޯލްޑިވްސް ޕޯޓްސް ލިމިޓެޑް (އެމްޕީއެލް) ގުޅިގެން މި އަހަރު އައު އެޕްރެންޓިސްޝިޕް ޕްރޮގްރާމެއް ފެށުމަށް ނިންމައިފިއެވެ.

މި ޕްރޮގްރާމްގެ ދަށުން ހަތް ދާއިރާއަކުން ތަމްރީނު ފުރުސަތުތައް ހުޅުވާލާފައިވެއެވެ.

ވެލްޑިންގ އަދި ކާޕެންޓްރީގެ ދާއިރާއިން ފުރުސަތުތައް ހުޅުވާލާފައިވާއިރު، މި ދެ ދާއިރާއަށް ކުރިމަތިލެވޭނީ ގްރޭޑް 8 ނިންމާފައިވާ 18 އަހަރާއި 35 އަހަރާ ދެމެދުގެ ފަރާތްތަކަށެވެ. އެހެން ދާއިރާތަކުގެ ތެރޭގައި މެރިން މެކޭނިކް، މެޝިނިސްޓް، އިލެކްޓްރީޝަން، މެކޭނިކް އަދި އެއަރ ކޮންޑިޝަނިންގ އެންޑް ރެފްރިޖަރޭޝަން ހިމެނެއެވެ.

މި ޕްރޮގްރާމްގެ މުއްދަތަކީ ހަ މަސްދުވަސް ކަމަށްވާއިރު، ބައިވެރިންނަށް މަހަކު 5000 ރުފިޔާގެ އެލަވަންސެއް ލިބޭނެއެވެ. ޝައުގުވެރިވާ ފަރާތްތަކުން މި މަހުގެ 24 ވަނަ ދުވަހުގެ މެންދުރުފަހު 2:00 ގެ ކުރިން އެޕްލިކޭޝަން ހުށަހަޅަންޖެހެއެވެ.

މި ޕްރޮގްރާމަކީ ޒުވާނުންނަށް އަމާޒުކޮށްގެން ހިންގާ ޚާއްސަ މަސައްކަތްތެރިކަމުގެ ތަމްރީނު ޕްރޮގްރާމެއް ކަމަށްވާއިރު، މީގެ ސަބަބުން ގިނަ ޒުވާނުންނަށް ވަޒީފާގެ ފުރުސަތުތައް އިތުރުވެގެންދާނެ ކަމަށް ބެލެވެއެވެ. އަދި މިފަދަ ޕްރޮގްރާމްތަކުން ޤައުމަށް ބޭނުންވާ ފަންނީ މީހުން އުފެއްދުމަށް މަގުފަހިވެގެންދާނެއެވެ.

އެމްޕީއެލް ޔޫތު މިނިސްޓްރީ