އަޔަލެންޑް އަތުން މޮޅުވެ ޔުއެފާ ނޭޝަންސް ލީގުގެ ލީގު އޭ އަށް އިންގްލެންޑް ޕްރޮމޯޓްވެއްޖެ

އިންގުލެންޑުން ނެރެފައިވަނީ ޒުވާންޓީމެއް

ޔުއެފާ ނޭޝަންސް ލީގުގެ ލީގު ބީގައި ވަނީ އަޔަލެންޑް އަތުން 5-0 އިން މޮޅުވެ، ލީގު އޭ އަށް އިންގްލެންޑުން ޕްރޮމޯޓްވެއްޖެއެވެ.

ރޭގެ މި މޮޅާއި އެކު އިންގްލެންޑުން ވަނީ ގްރޫޕް ތިނެއްގެ އެއްވަނަ ހޯދާފައެވެ.

އިންގްލެންޑަށް މި މެޗުގައި ލަނޑު ޖެހި ފަސް ކުޅުންތެރިންގެ ތެރެއިން ހަތަރު ކުޅުންތެރިންނަކީ ގައުމީ ޓީމަށް ފުރަތަމަ ގޯލު ޖަހައިދިން ކުޅުންތެރިންނެވެ. އެއީ އެންތަނީ ގޯޑަން، ކޯނާ ގެލަގާ، ޖެރަޑް ބޮވެން އަދި ޓޭލާ ހާވުޑް ބެލިސްއެވެ. ފުރަތަމަ ލަނޑު ޖެހީ ހެރީ ކޭންގެ ޕެނަލްޓީންނެވެ.

ލީގު ބީގެ ގްރޫޕް ތިނެއްގެ ހުރިހާ މެޗެއް ނިމުނުއިރު، އިންގްލެންޑާއި ގްރީސް އަށް ހަ މެޗުން 15 ޕޮއިންޓް ލިބިފައިވާ އިރު ލަނޑުގެ ތަފާތުން އެއްވަނަ ހޯދީ އިންގްލެންޑެވެ. މި ގްރޫޕުގެ ތިންވަނައަށް ދިޔައީ ހަ މެޗުން ހަ ޕޮއިންޓް ހޯދި އަޔަލެންޑެވެ.

ލީގު އޭ އަށް ޕްރޮމޯޓްވި އަނެއް ޓީމަކީ ނޯވޭއެވެ. ނޯވޭއިން ވަނީ ލީގު ބީގެ ގްރޫޕް ތިނެއްގެ އެއްވަނަ ހޯދައިފައެވެ. އެއީ ހަ މެޗުން 13 ޕޮއިންޓާ އެކުގައެވެ. ނޯވޭއިން ވަނީ އާލިން ބްރައުޓް ހާލަންޑްގެ ހެޓްރިކާ އެކު، 5-1 އިން ރޭ ކަޒަކްސްތާން ބަލިކޮށްފައެވެ.

ޔޫއެފާ ޗެމްޕިއަންސް ލީގު