އަރަބިއްޔާ ސްކޫލްގެ އާ އިމާރާތުގެ މަސައްކަތް އާރުސީސީއާ ހަވާލުކޮށްފި

އަރަބިއްޔާ ސްކޫލްގެ އާ އިމާރާތުގެ މަސައްކަތް ނިންމުމަށް ރަޝީދު ކާޕެންޓްރީ އެންޑް ކޮންސްޓްރަކްޝަން ކޮމްޕެނީ (އާއާރުސީސީ) އާ ހަވާލުކޮށް، މިއަދު އަމަލީ މަސައްކަތް ފަށައިފިއެވެ.

މި މަސައްކަތް އާރުސީސީއާ ހަވާލުކޮށްފައިވަނީ 85 މިލިއަން ރުފިޔާއަށެވެ.

އެޑިއުކޭޝަން މިނިސްޓަރު ޑރ. އިސްމާއިލް ޝަފީއު ވިދާޅުވެފައިވަނީ، މި އެއްބަސްވުމަކީ ކުރިން ލިބިފައި އޮތް އެއްބަސްވުމުގެ އަގަށްވުރެ 83 މިލިއަން ރުފިޔާ ކުޑަ އަގެއްގައި ސޮއިކުރެވިފައިވާ އެއްބަސްވުމެއް ކަމަށެވެ. ކުރީގެ ސަރުކާރުން މި މަސައްކަތް ހަވާލުކޮށްފައިވަނީ 168.5 މިލިއަން ރުފިޔާއަށް ކަމަށް ވާއިރު، މިހާރު މި މަސައްކަތް ހަވާލުކޮށްފައިވަނީ އޭގެ ދެބައިކުޅަ އެއްބަޔަށްވުރެ ކުޑަ އަގެއްގައެވެ.

އަރަބިއްޔާ ސްކޫލްގެ އާ އިމާރާތް އެޅުމަށް ކުރިން ނިންމާފައިވާ ބާ ޖަމާލުއްދީން ސްކޫލް ހުރި ބިމުގެ ބަދަލުގައި، މިހާރު ނިންމާފައިވަނީ ކުރީގެ ކުނިކޮށި ހުރި ބިމުގައި އިމާރާތް ކުރުމަށެވެ. މިއީ ޓްރެފިކް މައްސަލަ ހައްލުކުރުމަށް ގެނެވުނު ބަދަލެއް ކަމަށް ސަރުކާރުން ބުނެފައިވެއެވެ.

މި މަޝްރޫޢުގެ މަސައްކަތް ފެށުން ލަސްވެފައިވަނީ އިތުރު 80 މިލިއަން ރުފިޔާ ޚަރަދުކުރަން ޖެހުމުން، އެ ފައިސާ ސަލާމަތްކުރުމަށް ކަމަށް އެޑިއުކޭޝަން މިނިސްޓްރީން ބުނެފައިވެއެވެ. މިނިސްޓަރު އިސްމާއިލް ވިދާޅުވެފައިވަނީ، ރައްޔިތުންގެ ފައިސާއަށް ވުމުން، އިތުރު ޚަރަދު ކުޑަކުރުމަށް މަސައްކަތްކޮށްފައިވާ ކަމަށެވެ.