ގުރައިދޫ އެއާޕޯޓުގެ ބިން ހިއްކުމުގެ މަސައްކަތް އެމްޓީސީސީއާ ހަވާލުކޮށްފި

ތ. ގުރައިދޫގައި އެއާޕޯޓު އަޅާނެ ބިން ހިއްކުމާއި ހިއްކާ ބިމުގެ ޝޯ ޕްރޮޓެކްޝަނުގެ މަސައްކަތް ކުރުމަށް އެމްޓީސީސީއާ ރޭ ވަނީ ހަވާލުކޮށްފައެވެ.

ގުރައިދޫގައި އެއާޕޯޓެއް އެޅުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދެކެވެ. އެއާޕޯޓުގެ މަސައްކަތް ބަޖެޓުގައި ނެތް ނަމަވެސް މި އަހަރު އެ މަސައްކަތް ފަށާނެ ކަމަށް ރައީސް ވަނީ ވައުދުވެވަޑައިގެންފައެވެ.

މި މަޝްރޫޢުގެ އިތުރުން ވެސް ސަރުކާރުން މި ހަފުތާގެ ތެރޭގައި ގިނަ ކަންކަން ދަނީ ކުރަމުންނެވެ. އޭގެ ތެރޭގައި ޑިވެލޮޕްމަންޓު ބޭންކުގެ އޮފީސް މާލޭގައި ހުޅުވުމާއި، ދަރުމަވަންތަ ހޮސްޕިޓަލާއި ހުޅުމާލެ ހޮސްޕިޓަލް ދެ ޓާޝަރީ ހޮސްޕިޓަލުގެ ގޮތުގައި އިފްތިތާހުކުރުން ހިމެނެއެވެ.

އަދި ބ. އޭދަފުށީގައި 1000 ހައުސިންގ ޔުނިޓު އެޅުމުގެ މަސައްކަތް ވެސް އިއްޔެ ވަނީ ހަވާލުކޮށްފައެވެ. މި ހުރިހާ މަޝްރޫޢުތަކަކީ ވެސް ސަރުކާރުން ކުރުމަށް ވައުދުވެފައިވާ މުހިއްމު މަސައްކަތްތަކެއްކަން ފާހަގަކުރެވެއެވެ.