މޯލްޑިވްސް ޑިވެލޮޕްމަންޓް ބޭންކު އިފްތިތާޙުކޮށްފި
މޯލްޑިވްސް ޑިވެލޮޕްމަންޓް ބޭންކު އިފްތިތާޙްކުރުމުގެ ތެރެއިން
މޯލްޑިވްސް ޑިވެލޮޕްމަންޓް ބޭންކު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، އިފްތިތާޙުކޮށްދެއްވައިފިއެވެ.
މިއީ ރާއްޖޭގައި ފުރަތަމަ ފަހަރަށް ޤާއިމުކުރެވުނު އިންވެސްޓްމަންޓް ބޭންކެވެ.
މި ބޭންކުގެ މައިގަނޑު މަޤްޞަދަކީ ތަރައްޤީގެ މުހިންމު މަޝްރޫޢުތަކަށާއި އަމިއްލަ ބޮޑެތި އިންވެސްޓްމަންޓްތަކަށް ކުޑަ އިންޓްރެސްޓް ރޭޓެއްގައި ލޯނު ފޯރުކޮށްދިނުމެވެ. މިއީ ރައީސް މުޢިއްޒުގެ ރިޔާސީ ވަޢުދުފުޅެއް ފުއްދުމުގެ ގޮތުން އުފައްދަވާފައިވާ ބޭންކެކެވެ.
މޯލްޑިވްސް ޑިވެލޮޕްމަންޓް ބޭންކުން ހަމައެކަނި ދަރަނީގެ ގޮތުގައި ފައިސާ ދޫކުރުމުގެ އިތުރުން، އިކުއިޓީ ފައިނޭންސް، ފަންޑުތައް ސިންޑިކޭޝަން އަދި ރިސްކް އިންޝިއުރެންސް ފަދަ އިތުރު ޚިދުމަތްތައްވެސް ތަޢާރަފްކުރާނެއެވެ. މީގެ އިތުރުން މާލީ އެހީއާއި ފަންނީ އެހީވެސް ފޯރުކޮށްދޭނެއެވެ.
މި ބޭންކުގެ ސަބަބުން ދިވެހިރާއްޖެއާއި ބައިނަލްއަޤްވާމީ މާލީ އިދާރާތަކާއި އިންވެސްޓަރުންނާ ދެމެދު ގުޅުން ބަދަހިވެ، ތަރައްޤީގެ މަޝްރޫޢުތަކަށް ބޭނުންވާ ފައިސާ ހޯދުމަށް ފަސޭހަވެގެންދާނެއެވެ. މިއީ ރާއްޖޭގެ އިޤްތިޞާދީ އަދި އިޖުތިމާޢީ ތަރައްޤީއަށް މުސްތަޤުބަލުގައި ލިބިގެންދާނެ ވަރަށް ބޮޑު ކުރިއެރުމެއްކަން ފާހަގަކޮށްލެވެއެވެ..
ކޮމެންޓް