ރާއްޖެ ބަންގްލަދޭޝް އަތުން 1-0 އިން މޮޅުވެއްޖެ

ފީފާ އިންޓަނޭޝަނަލް އެކުވެރިކަމުގެ މެޗެއްގައި ރާއްޖޭން 1-0 އިން ބަންގްލަދޭޝް ދަނޑުގައި އެ ޓީމު އަތުން ތާރީޚީ މޮޅެއް މިއަދު ހޯދައިފިއެވެ.

މިއީ ބަންގްލަދޭޝްގައި ކުޅެގެން އެ ޓީމު އަތުން ރާއްޖޭން މޮޅުވި ފުރަތަމަ ފަހަރެވެ.

ބަޝުންދަރާ އެރީނާގައި ކުޅުނު މި މެޗުގައި ރާއްޖޭން ލީޑުނެގީ މެޗުގެ 18 ވަނަ މިނިޓްގައެވެ. އޭރިއާބޭރުން ލިބުނު ހިލޭޖެހުމަކުން، ހަމްޒާ މުހައްމަދު (ހަމްޕު) ނަގައިދިން ބޯޅައަކަށް އަރައި، އަލީ ފާސިރު (ސެންޓޭ) ވަނީ ބޮލުން ގޯލުގެ ތެރެއަށް ބޯޅަ ފޮނުވާލައިފައެވެ.

ނަތީޖާ ހަމަހަމަކުރަން ބަންގްލަދޭޝްއިން ގިނަ މަސައްކަތްތަކެއް ކުރި ނަމަވެސް، ރާއްޖޭގެ ގޯލްކީޕަރު ހުސެއިން ޝަރީފް (ހުސެން) އާއި ޑިފެންޑަރުންގެ ހުޝިޔާރުކަމުން ވަނީ ހުރިހާ ހަމަލާއެއްވެސް ނާކާމިޔާބު ކޮށްލައިފައެވެ.

މިއީ ބަންގްލަދޭޝާ ދެކޮޅަށް ކުޅުނު 19 މެޗުގެ ތެރެއިން ރާއްޖެ މޮޅުވި ހަތްވަނަ މެޗެވެ. ބަންގްލަދޭޝް ހަ މެޗުން މޮޅުވިއިރު، ހަ މެޗު ވަނީ އެއްވަރުވެފައެވެ.

މި ދެ ޓީމު ކުޅޭ ދެވަނަ މެޗު އޮންނާނީ އަންނަ ހޮނިހިރު ދުވަހު ހަވީރުއެވެ.