ދެ ކުޑަކުއްޖަކަށް ޖިންސީ ގޯނާކުރި މައްސަލާގައި މީހަކު ހައްޔަރުކޮށްފި

ޖިންސީ ގޯނާކުރުމަކީ ރާއްޖޭގައިވެސް ބޮޑުވެފައިވާ ކަމެއް

ރާއްޖޭގެ ދެކުނުގެ ރަށެއްގައި ދަރިފުޅާއި އާއިލާގެ އިތުރު ކުޑަކުއްޖަކަށް ޖިންސީ ގޯނާ ކުރި ކަމުގެ ތުހުމަތުގައި 56 އަހަރުގެ ފިރިހެނަކު ހައްޔަރުކޮށްފިއެވެ.

ފުލުހުން މިއަދު ބުނެފައިވަނީ އިތުބާރު ކުރެވޭ މަގާމެއްގައި ހުރެގެން ދެ ކުޑަކުއްޖަކަށް ޖިންސީ ގޯނާ ކުރުމުގެ ތުހުމަތުގައި އެ މީހާ ހައްޔަރުކުރީ ރޭގެ ވަގުތެއްގައި ކޯޓު އަމުރެއްގެ ދަށުން ކަމަށެވެ.

މި މައްސަލަ ހިނގާފައިވަނީ ސައުތު ޕޮލިސް ރީޖަނުގެ ރަށެއްގައެވެ. އެ ސަރަހައްދުގައި ހިމެނެނީ ގއ.، ގދ.، އައްޑޫ އަދި ފުވައްމުލަކެވެ. އަނިޔާގެ ޝިކާރައަށްވި އެއް ކުއްޖެއްގެ އުމުރަކީ 11 އަހަރު ކަމަށާއި، އަނެއް ކުއްޖާގެ އުމުރަކީ 7 އަހަރު ކަމަށް ފުލުހުން މައުލޫމާތު ދީފައިވެއެވެ.

މި މައްސަލަ ފެންމަތިވެ އެ ރަށު މީހުންނާ ހަވާލާދީ ބައެއް މީޑިއާތަކުން މި މަހު ރިޕޯޓުކޮށްފައިވާ ކަމަށާއި، ފުލުހަށް މި މަހު 4 ގައި މައްސަލަ ހުށަހަޅާފައިވާ ކަމަށްވެސް ބުނެފައިވެއެވެ. ފުލުހުން އިތުރަށް ބުނެފައިވަނީ މި މައްސަލަ އިތުރަށް ތަހުގީގު ކުރަމުންދާ ކަމަށެވެ.

ޖިންސީ ގޯނާ