އެޗުޑީސީއިން ހުޅުމާލޭގައި ބޯހިޔާވަހިކަމުގެ ހަތަރު މަޝްރޫއެއް އިފްތިތާހުކޮށްފި

އެޗްޑީސީން ލޯންޗުކޮށްފައި ވަނީ ބިޔަ ބޮޑު މަޝްރޫޢުތަކެއް

އެޗުޑީސީއިން ހުޅުމާލޭގައި އިޖުތިމާއީ އަދި މަތީ ފަންތީގެ ބޯހިޔާވަހިކަމަށް ހަތަރު މަޝްރޫއުއެއް ރޭ އިފްތިތާހުކޮށްފި އެވެ.

މި މަޝްރޫއުތަކަކީ އެޗުޑީސީއިން ހިންގަން ރާވާފައިވާ 'ޓްރާންސްފޯމިން ޓުމޯރޯ' މަޝްރޫއުތަކުގެ ތެރެއިން ބައެކެވެ.

ހުޅުމާލެ ސެންޓްރަލް ޕާކުގައި ބޭއްވި ރަސްމިއްޔާތެއްގައި މި މަޝްރޫއުތައް އިފްތިތާހުކޮށްދެއްވީ އިކޮނޮމިކް މިނިސްޓަރު މުހައްމަދު ސައީދެވެ. އިފްތިތާހުކުރެވުނު މަޝްރޫއުތަކުގެ ތެރޭގައި ހިމެނެނީ ރޯ ހައުސް، ސޯޝަލް ހައުސިން، އަދި ފަރުކޮޅުފުށި ގޭޓަޑް ކޮމިއުނިޓީއެވެ.

ރޯ ހައުސް މަޝްރޫއުގެ ދަށުން ހުޅުމާލޭ ފޭސް 2ގައި 32 ޔުނިޓު އަޅާނެ އެވެ. މި ޔުނިޓުތަކުގައި އެކްސްކްލޫސިވް ކުލަބް ހައުސްތަކާއި ސްވިމިން ޕޫލް އަދި ޒަމާނީ ވަސީލަތްތައް ހުންނާނެ އެވެ. އަދި ސޯޝަލް ހައުސިންގެ ދެ މަޝްރޫއުގެ ދަށުން 2،100 ހައުސިން ޔުނިޓު އަޅާނެ އެވެ.

މީގެ އިތުރުން، ފަރުކޮޅުފުށި ގޭޓަޑް ކޮމިއުނިޓީ މަޝްރޫއުގެ ދަށުން 20 ބީޗު ވިލާ، 60 ގާޑެން ވިލާ، 26 އާބަން ވިލާ އަދި 85 ކޮޓަރީގެ ހޮޓަލެއް ތަރައްގީކުރާނެ އެވެ. މި މަޝްރޫއުތަކުގެ އިތުރުން، ފުށިދިއްގަރު ފަޅު ހިއްކައިގެން ތަރައްގީކުރާ ރަސްމާލެ އީކޯ ސިޓީ މަޝްރޫއު ވެސް ހިމެނެނީ އެޗުޑީސީގެ ޓްރާންސްފޯމިން ޓުމޯރޯ މަޝްރޫއުތަކުގެ ތެރޭގައެވެ.

އެޗްޑީސީ