ރާއްޖޭގެ ރަސްމީ ރިޒާވް 614.6 މިލިއަން ޑޮލަރަށް އަރައިފި

އެމްއެމްއޭ

މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ރޭ ނެރުނު ތަފާސްހިސާބުތަކުން ދައްކާގޮތުގައި ރާއްޖޭގެ ރަސްމީ ރިޒާވް މިދިޔަ މަހު 614.6 މިލިއަން ޑޮލަރަށް އަރާފިއެވެ.

މިއީ މިދިޔަ ސެޕްޓެމްބަރު މަހާ އަޅާބަލާއިރު ފާހަގަކޮށްލެވޭ އިތުރުވުމެކެވެ. ސެޕްޓެމްބަރު މަހު ރަސްމީ ރިޒާވްގައި ހުރީ 371.2 މިލިއަން ޑޮލަރެވެ.

އެމްއެމްއޭއިން ހާމަކުރިގޮތުގައި ރިޒާވް މިފަދަ ބޮޑު އަދަދަކަށް އިތުރުވެފައިވާ މައިގަނޑު ސަބަބަކީ ރިޒާވް ބޭންކް އޮފް އިންޑިއާ (އާރްބީއައި) އިން ކަރަންސީ ސްވޮޕްގެ ގޮތުގައި 400 މިލިއަން ޑޮލަރު ލިބިފައިވުމެވެ. މި ފައިސާގެ ތެރެއިން 120 މިލިއަން ޑޮލަރު ރާއްޖޭގެ ބޭންކުތަކުގައި ވަނީ އިންވެސްޓްކޮށްފައެވެ.

އެމްއެމްއޭއިން އިތުރަށް ބުނިގޮތުގައި މި ނިންމުމުގެ ސަބަބުން އެމްއެމްއޭގެ ރިޓާން އޮޕްޓިމައިޒްކުރުމުގެ މަގުސަދު ހާސިލުވުމުގެ އިތުރުން މާލީ ދާއިރާގެ ހަމަޖެހުމާއި ކުރިއެރުމަށް އެހީތެރިވެދީ، މުޅި އިގުތިސާދަށް އޭގެ ފައިދާ ކުރާނެއެވެ. މިއީ ރާއްޖޭގެ އިގުތިސާދީ ދުޅަހެޔޮކަމަށް ލިބޭ ވަރަށް ބޮޑު ކުރިއެރުމެއް ކަމުގައި ފާހަގަކުރެވެއެވެ.

އެމްއެމްއޭ