ދަރުމަވަންތަ ހޮސްޕިޓަލް މި މަހު 16 ގައި ރަސްމީކޮށް ހުޅުވަނީ

ދަރުމަވަންތަ ހޮސްޕިޓަލް

ޓަރޝަރީ ހޮސްޕިޓަލެއްގެ ގޮތުގައި ހުރިހާ ފެސިލިޓީއެއް ޤާއިމްކޮށް ދަރުމަވަންތަ ހޮސްޕިޓަލް މިމަހުގެ 16 ވަނަ ދުވަހު ރަސްމީކޮށް ހުޅުވުމަށް ނިންމައިފިއެވެ.

މިކަން ހާމަކުރެއްވީ ޖުމްހޫރީ ދުވަހުގެ މުނާސަބާގައި ބޭއްވި ރަސްމީ ޖަލްސާގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއެވެ.

ރައީސް މުޢިއްޒު ވިދާޅުވީ، ދަރުމަވަންތަ ހޮސްޕިޓަލް، ޓަރޝަރީ ހޮސްޕިޓަލަކަށް ހަދައި، އެ ތަނަށް ބޭނުންވާ ހުރިހާ ޚިދުމަތެއް ޤާއިމުކުރާނެކަމަށެވެ. އަދި ހުޅުމާލެ ހޮސްޕިޓަލުގެ ހުރިހާ ޚިދުމަތްތަކެއް ޓަރޝަރީ ފެންވަރަށް ގެނެސް އެ ހޮސްޕިޓަލްވެސް ޓަރޝަރީ ހޮސްޕިޓަލަކަށް އަންނަ ހަފްތާގައި ބަދަލުވާނެކަމަށް ރައީސް ވިދާޅުވިއެވެ.

ކުރީގެ ރައީސް ޢަބްދުﷲ ޔާމީންގެ ވެރިކަމުގައި ހިންގި އެންމެ ބޮޑު އެއް މަޝްރޫޢުގެ ގޮތުގައި އިމާރާތްކުރެވުނު ދަރުމަވަންތަ ހޮސްޕިޓަލް ވޭތުވެދިޔަ 5 އަހަރު ބޭނުންނުކޮށް އޮތުމުގެ ސަބަބުން މެޝިނަރީތައް ހަލާކުވެ، މަރާމާތަށް ބޮޑު ހޭދައެއް ކުރަން ޖެހުނެވެ.

ދަރުމަވަންތަ ހޮސްޕިޓަލުގައި މިވަގުތުވެސް ގިނަ ޚިދުމަތްތަކެއް އަންނަނީ ފޯރުކޮށްދެމުންނެވެ. މީގެ އިތުރުން ހުޅުމާލެ ހޮސްޕިޓަލް އިތުރަށް ތަރައްޤީކުރުމުގެ މަސައްކަތުގެ ދަށުން 4 އޮޕަރޭޝަން ތިއޭޓަރާއި 14 އެނދުގެ އެންއައިސީޔޫއަކާއި 10 އެނދުގެ އައިސީޔޫއެއް ތަރައްޤީކުރުމުގެ މަސައްކަތް އަންނަނީ ކުރަމުންނެވެ.

ދަރުމަވަންތަ ހޮސްޕިޓަލް