ރައީސް މުއިއްޒު ޖޮއިންޓް އަރަބް-އިސްލާމިކް ސަމިޓުގައި ބައިވެރިވެވަޑައިގަތުމަށް ރިޔާދަށް

ރައީސުލްޖުމުހޫރިއްޔާ ރިޔާދަށް ވަޑައިގަތުން

ރައީސް ޑރ. މުހައްމަދު މުއިއްޒު، ސައޫދީ ޢަރަބިއްޔާގެ ރަސްގެފާނު ސަލްމާން ބިން ޢަބްދުލްޢަޒީޒްގެ ދަޢުވަތަކަށް، ޖޮއިންޓް އަރަބް-އިސްލާމިކް ސަމިޓުގައި ބައިވެރިވެވަޑައިގަތުމަށް މިއަދު ހެނދުނު ރިޔާދަށް ވަޑައިގެންފިއެވެ.

މި ސަމިޓުގައި، އިސްރާއީލުން ފަލަސްތީނާއި ލުބްނާނަށް ދެމުންދާ ހަމަލާތަކާއި، ސަރަހައްދީ މައްސަލަތަކާމެދު މަޝްވަރާކުރެވޭނެއެވެ. ރައީސް މުއިއްޒު ރާއްޖޭގެ މަތީ ފަންތީގެ ވަފުދަކާއެކު މި މަޝްވަރާތަކުގައި ބައިވެރިވެވަޑައި ގަންނަވާނެއެވެ.

ސަމިޓުގެ މަޝްވަރާތައް ބިނާކުރެވޭނީ މިދިޔަ އަހަރުގެ ނޮވެމްބަރު މަހު ރިޔާދުގައި ބޭއްވުނު ޖޮއިންޓް އަރަބް-އިސްލާމިކް ސަމިޓުގެ ނިންމުންތަކުގެ މައްޗަށެވެ. ރައީސް މުއިއްޒު ގެންދަވަނީ ފަލަސްތީނުގެ ރައްޔިތުންގެ ހައްގުގައި އަޑުއުފުއްލަވައި، އިސްރާއީލުގެ އަމަލުތައް ކުށްވެރިކުރައްވަމުންނެވެ.

މި ސަމިޓުގައި ރައީސް މުއިއްޒު ދިވެހިރާއްޖޭގެ ގައުމީ ބަޔާން އިއްވަވާނެއެވެ. ރާއްޖޭގެ ވަފުދަށް މެހުމާންދާރީ އަދާކުރައްވަނީ ސައޫދީ ޢަރަބިއްޔާގެ ސަރުކާރުންނެވެ.

ރައީސް ޑރ މުޙައްމަދު މުޢިއްޒު