އެމެރިކާގެ އިންތިޚާބީ ރައީސާއި ބައްދަލުކުރަން ތައްޔާރު: ޕޫޓިން
ޕުޓިން އާއި ޓްރަންޕު
އެމެރިކާގެ އިންތިޚާބީ ރައީސް ޑޮނަލްޑް ޓްރަމްޕާއެކު މަޝްވަރާކުރުމަށް ތައްޔާރަށް ހުންނެވި ކަމަށް ރަޝިޔާގެ ރައީސް ވުލަޑިމިއަރ ޕޫޓިން ވިދާޅުވެއްޖެއެވެ.
ޕުޓިން މިފަދައިން ވިދާޅުވީ ޓްރަމްޕް އަލުން ރިޔާސީ އިންތިޚާބު ކާމިޔާބުކުރުމާ ގުޅިގެން މަރުޙަބާ ވިދާޅުވުމަށްފަހުގައެވެ.
ޕޫޓިން ވިދާޅުވީ ޓްރަމްޕް ކުރިން ޔުކްރެއިނާއި ބެހޭގޮތުން އަދި ރަޝިޔާއާއެކު ގުޅުން އަލުން ރަނގަޅުކުރުމާ ބެހޭގޮތުން ދައްކާފައިވާ ވާހަކަތަކަށް ސަމާލުކަން ދޭންޖެހޭ ކަމަށެވެ. އަދި ޔުކްރެއިންގެ ހަނގުރާމަ ނިންމުމާއި ރަޝިޔާއާއެކު ގުޅުން އަލުން ރަނގަޅުކުރުމާ ބެހޭގޮތުން ޓްރަމްޕް ދެއްކެވި ވާހަކަފުޅުތަކަށް ސަމާލުކަން ދޭންޖެހޭ ކަމަށްވެސް ވިދާޅުވިއެވެ.
ޓްރަމްޕްވެސް ވަނީ ޕުޓިންއާއެކު ވާހަކަދެއްކުމަށް ތައްޔާރަށް ހުރި ކަމަށް ވިދާޅުވެފައެވެ. މީގެ ކުރިންވެސް ޓްރަމްޕް ވަނީ ޔުކްރެއިންގެ ހަނގުރާމަ ގަޑިއިރުތަކެއްގެ ތެރޭގައި ނިންމާލެވިދާނެ ކަމަށް ވިދާޅުވެ، އެމެރިކާއިން ޔުކްރެއިނަށް ދޭ އެހީތަކާމެދު ފާޑުކިޔާފައެވެ.
ރަޝިޔާއާއި އެމެރިކާގެ ގުޅުން ވަނީ ފާއިތުވި އަހަރުތަކުގައި ވަރަށް ބޮޑަށް ގޯސްވެފައެވެ. ޚާއްޞަކޮށް 2022 ވަނަ އަހަރު ރަޝިޔާއިން ޔުކްރެއިނަށް ހަނގުރާމަ އިޢުލާނުކުރުމަށްފަހު، ދެ ޤައުމުގެ ގުޅުން ވަނީ ވަރަށް ބޮޑަށް ދަށްވެގެން ގޮސްފައެވެ.
ޓްރަމްޕް އަލުން ރިޔާސީ އިންތިޚާބު ކާމިޔާބުކުރުމާއެކު، ދެ ޤައުމުގެ ގުޅުން އަލުން ރަނގަޅުވެދާނެކަމުގެ އުންމީދު ބައެއް ފަރާތްތަކުން ކުރަމުންދެއެވެ. ނަމަވެސް، މި ކަމާމެދު ބައިނަލްއަޤްވާމީ މުޖުތަމަޢުގެ ކަންބޮޑުވުންތައްވެސް ފާޅުކުރަމުންދެއެވެ.
ކޮމެންޓް