އެމެރިކާގެ ރައީސްކަމަށް ޓްރަމްޕް އިންތިޚާބުވުމުން ރައީސް މުއިއްޒު މަރުޙަބާ ވިދާޅުވެއްޖެ

ރައީސް ޑރ. މުޙައްމަދު މުއިއްޒު

އެމެރިކާގެ ރިޔާސީ އިންތިޚާބުގައި ޑޮނަލްޑް ޓްރަމްޕް ކާމިޔާބު ހޯއްދެވުމާ ގުޅިގެން ރައީސް މުޙައްމަދު މުއިއްޒު މަރުޙަބާ ވިދާޅުވެއްޖެއެވެ.

ރައީސް މުއިއްޒު ޓްރަންޕަށް މަރުޙަބާ ވިދާޅުވެފައިވަނީ "އެކްސް" ގައި ކުރެއްވި ޕޯސްޓެއްގައެވެ.

ވަގުތީ ނަތީޖާތަކުން ދައްކާ ގޮތުގައި ޓްރަމްޕް ވަނީ 267 އިލެކްޓޯރަލް ވޯޓު ހޯއްދަވައި، އިންތިޚާބުގެ ކާމިޔާބު ވަރަށް ބޮޑަށް ޔަގީންކުރައްވާފައެވެ. އޭނާގެ ވާދަވެރިޔާ ކަމަލާ ހެރިސްއަށް ލިބިވަޑައިގެންފައިވަނީ 224 ވޯޓެވެ. އިންތިޚާބު ކާމިޔާބުކުރުމަށް ބޭނުންވަނީ 270 ވޯޓެވެ.

ރައީސް މުއިއްޒު އޭނާގެ މެސެޖުގައި ވިދާޅުވެފައިވަނީ ރާއްޖެއާއި އެމެރިކާއާ ދެމެދު އޮންނަ ބަދަހި ގުޅުން ބިނާވެފައިވަނީ ދެ ފަރާތުގެ އިޙްތިރާމާއި ހެޔޮ އެދުމާއި ވިސްނުމުގެ މައްޗަށް ކަމަށެވެ. އަދި ދެ ގައުމުގެ ގުޅުން ހަރުދަނާކޮށް، ދެ ފަރާތުގެ ގޮންޖެހުންތަކަށް ޙައްލެއް ހޯދައި، ދުނިޔޭގެ ސުލްޙައާއި ތަނަވަސްކަން ކުރިއެރުވުމަށް މަސައްކަތްކުރުމަށް ތައްޔާރަށް ހުންނެވި ކަމަށްވެސް ރައީސް ވިދާޅުވެފައިވެއެވެ.

އެމެރިކާގެ ރިޔާސީ އިންތިހާބު