ސިނގިރޭޓާއި ބިޑީގެ އަގު މިއަދުން ފެށިގެން ބޮޑުވެއްޖެ

ދުންފަތަށް ދެވިހިފާފައިވާ މީހުންގެ ނިސްބަތް މިހާރު ވަރަށް މަދު

މިއަދުން ފެށިގެން ސިނގިރޭޓާއި ބިޑިން ނަގާ ޓެކްސް އަދި އިމްޕޯޓު ޑިއުޓީ ބޮޑުކުރުމަށް ރައްޔިތުންގެ މަޖިލީހުން ގެނައި އިސްލާހު ރައީސް ޑރ. މުހައްމަދު މުއިއްޒު ރޭ ތަސްދީގު ކުރައްވައިފިއެވެ.

މި އިސްލާހާ ގުޅިގެން ސިނގިރޭޓާއި ބިޑިއަށް ނަގާ އިމްޕޯޓް ޑިއުޓީގެ ސްޕެސިފިކް ރޭޓު 3 ރުފިޔާއިން 8 ރުފިޔާއަށް މަތިވެގެންދާނެއެވެ.

މީގެ އިތުރުން، ސިނގިރޭޓާއި ދުންފަތުގެ އުފެއްދުންތަކުން ނަގާ އެޑްވަލޮރަމް ރޭޓު 50 އިންސައްތައިން 100 އިންސައްތައަށް މަތިވެގެންދާނެއެވެ. މި ބަދަލުތަކާ ގުޅިގެން މިހާރު ސިނގިރޭޓު ފޮއްޓެއް ގަންނަން ލިބޭ އަގަށް ވުރެ 100 ރުފިޔާ އިތުރުވާނެ ކަމަށް ލަފާކުރެވެއެވެ.

މި އިސްލާހުގައި ދުންފަތާއި ދުންފަތުން ތައްޔާރުކޮށްފައި ހުންނަ ބާވަތްތަކުގެ އިތުރުން، އިލެކްޓްރޯނިކް ސިނގިރެޓު، ވޭޕްކުރުމަށް ބޭނުންކުރާ އާލާތްތައް، އަދި ހީޓަޑް ޓޮބޭކޯ ޕްރޮޑަކްޓްތަކުގެ ތަފްސީލު ބަޔާންކޮށްފައި ވެއެވެ.

މި އިސްލާހާ ގުޅޭ ގަވާއިދުތައް 30 ދުވަހުގެ ތެރޭގައި ހަދައި ގެޒެޓުކުރުމަށް ކަމާ ބެހޭ ފަރާތްތަކަށް ލާޒިމްކޮށްފައިވެއެވެ. އަދި މި މަހުގެ 15 އިން ފެށިގެން ވޭޕްކުރުމަށް ބޭނުންކުރާ ތަކެތި ރާއްޖެއަށް އެތެރުކުރުން މަނާކުރުމަށް ވެސް ސަރުކާރުން ވަނީ ހުށަހަޅާފައެވެ.

ރައީސް ޑރ މުޙައްމަދު މުޢިއްޒު