އަންނައަހަރުގެ ބަޖެޓުގައި ސިވިލް ސަރވިސް މުވައްޒަފުންގެ މުސާރަ ބޮޑުކުރަން 500 މިލިއަން
ފިނޭންސް މިނިސްޓަރު މޫސާ ޒަމީރު
ސަރުކާރުން 2025 ވަނަ އަހަރަށް ހުށަހަޅާފައިވާ 56.6 ބިލިއަން ރުފިޔާގެ ބަޖެޓުގައި ސިވިލް ސަރވިސް މުވައްޒަފުންގެ މުސާރަ ބޮޑުކުރުމަށް 500 މިލިއަން ރުފިޔާ ހިމަނާފައިވާ ކަމަށް ފިނޭންސް މިނިސްޓަރު މޫސާ ޒަމީރު ވިދާޅުވެއްޖެއެވެ.
އިއްޔެ ރައްޔިތުންގެ މަޖިލީހަށް ބަޖެޓު ހުށަހަޅުއްވަމުން މިނިސްޓަރު ވިދާޅުވީ މި ފައިސާއިން މިހާތަނަށް ޕޭ ހާމަނައިޒް ނުކުރެވި ތިބި ސިވިލް ސަރވިސް މުވައްޒަފުންނާއި ޖުޑީޝަރީގެ މުވައްޒަފުންގެ މުސާރަތައް ބޮޑުކުރެވޭނެ ކަމަށެވެ. އަދި އެހެން މުވައްޒަފުންގެ މުސާރަތަކަށް 2026 ވަނަ އަހަރު ބަދަލު ގެނައުމަށް ރާވާފައިވާ ކަމަށްވެސް އޭނާ ވިދާޅުވިއެވެ.
މިއަހަރުގެ ބަޖެޓާ އަޅާބަލާއިރު އަންނަ އަހަރުގެ ބަޖެޓަކީ 6.8 ބިލިއަން ރުފިޔާ އިތުރު ބަޖެޓެކެވެ. އަންނަ އަހަރުގެ ބަޖެޓުގެ ޖުމްލަ ޚަރަދުގެ ގޮތުގައި 49.2 ބިލިއަން ރުފިޔާ ލަފާކޮށްފައިވާއިރު، އޭގެ ތެރެއިން ރިކަރަންޓް ޚަރަދަށް 35.8 ބިލިއަން އަދި ކެޕިޓަލް ޚަރަދަށް 13.4 ބިލިއަން ރުފިޔާ ކަނޑައަޅާފައިވެއެވެ.
މީގެ ކުރިން ސަރުކާރުން ވަނީ ޓީޗަރުންނާއި، ސިއްޙީ ދާއިރާގެ އިތުރުން ސަލާމަތީ ޚިދުމަތްދޭ މުއައްސަސާތަކުގެ މުވައްޒަފުންގެ މުސާރަތައް ބޮޑުކޮށްފައެވެ. މިފަހަރު ސިވިލް ސަރވިސް މުވައްޒަފުންގެ މުސާރަ ބޮޑުކުރުމަށް ނިންމުމާއެކު، ގިނަ ދައުލަތުގެ މުވައްޒަފުންގެ މުސާރަތަކަށް ބަދަލު ގެނެވިގެންދާނެއެވެ.
ޕީއެސްއައިޕީ މަޝްރޫޢުތަކަށް އަންނަ އަހަރުގެ ބަޖެޓުގައި 12.4 ބިލިއަން ރުފިޔާ ކަނޑައަޅާފައިވާއިރު، މި ބަޖެޓަކީ ރާއްޖޭގެ އިޤްތިޞާދީ ދުވެލި އިތުރުކޮށް، ރައްޔިތުންނަށް ދެވޭ ޚިދުމަތްތައް ފުޅާކުރުމަށް އަމާޒު ހިފާފައިވާ ބަޖެޓެއް ކަމަށް ސަރުކާރުން ބުނެފައިވެއެވެ.
ރައީސް ދެއްވަނީ ޖާގައާ ވަސީލަތުގެ ގޮތުން އެމްއެންޔޫއަށް ކުރިއެރުން ހޯދަދޭނެ ކަމުގެ ޔަގީންކަން
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ޒަރީރު އޮޅުންފިލުވައިދިނީ ތާރީޙު: ބަލްފޯ ޑިކްލަރޭޝަނަކީ މައްސަލައިގެ ފެށުން!
ކޮމެންޓް