އިނގިރޭސި ލީގު ކަޕްގައި ޓޮޓްންހަމް އަތުން ބަލިވެ ސިޓީ ކަޓައިފި

އިނގިރޭސި ލީގު ކަޕް ނުވަތަ ކަރަބާއޯ ކަޕްގައި ޓޮޓްންހަމް ހޮޓްސްޕަރ އަތުން  2-1 ގެ ނަތީޖާއަކުން ބަލިވެ މެންޗެސްޓަރ ސިޓީ ކަޓައިފިއެވެ.

މި މެޗު ކުޅުނީ ލަންޑަންގައި ހުންނަ ޓޮޓްންހަމް ހޮޓްސްޕަރ ސްޓޭޑިއަމްގައި 60,000 އަށްވުރެ ގިނަ މީހުންގެ ކުރިމަތީގައެވެ.

މެޗުގެ ފަސްވަނަ މިނެޓުގައި ޓޮޓްންހަމްގެ ފޯވަޑް ޓިމޯ ވާނަރ ވަނީ ފުރަތަމަ ލަނޑު ޖަހާފައެވެ. އޭގެ 20 މިނެޓު ފަހުން ޕޭޕް ސާރ ވަނީ އިތުރު ލަނޑެއް ކާމިޔާބުކޮށްދީފައެވެ. މެންޗެސްޓަރްޓަރ ސިޓީގެ ފަރާތުން ހަމައެކަނި ލަނޑު ޖެހީ ފުރަތަމަ ހާފުގެ އިތުރު ވަގުތުގައި މެތިއުސް ނޫނެޒްއެވެ.

ދެވަނަ ހާފުގައި މެންޗެސްޓަރ ސިޓީން ގިނަ މަސައްކަތްތަކެއް ކުރި ނަމަވެސް އިތުރު ލަނޑެއް ކާމިޔާބު ކުރެވޭ ގޮތެއް ނުވިއެވެ. މި ކާމިޔާބީއާއެކު 2008 ވަނަ އަހަރުން ފެށިގެން މުބާރާތެއް ކާމިޔާބު ކުރެވިފައި ނުވާ  ޓޮޓްންހަމް ހޮޓްސްޕަރ އަށް ވަނީ މުބާރާތެއް ކާމިޔާބުކުރުމުގެ އުންމީދު އާވެފައެވެ.

މި މުބާރާތުގެ ކުއާޓަރ ފައިނަލްގައި ޓޮޓްންހަމް ހޮޓްސްޕަރ އަންނަ ޑިސެމްބަރ މަހުގެ 16 ވަނަ ދުވަހު ނިކުންނާނީ މެންޗެސްޓަރ ޔުނައިޓެޑާ ދެކޮޅަށެވެ.