މިނިވަން މުއައްސަސާތަކަށް ނުފޫޒު ފޯރުވުމަކީ ނުކުރާނެ ކަމެއް: ރައީސް މުއިއްޒު

މިނިވަން މުއައްސަސާއެއްގެ ތެރެއަށް ނުފޫޒު ފޯރުވުމަކީ އެއްވެސް އިރަކު ކުރެއްވި ކަމެއް ނޫން ކަމަށާއި އެފަދަ ކަމެއް ނުކުރައްވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.

އެމަނިކުފާނު މިފަދައިން ވިދާޅުވެފައިވަނީ އެކްސް މެދުވެރިކުރައްވާ  ރޭ ކުރެއްވި ޕޯސްޓެއްގަ އެވެ.

ރައީސް މުއިއްޒު ވިދާޅުވެފައިވަނީ ދައުލަތުގެ އެއްވެސް ބާރެއް ނުވަތަ މިނިވަން މުއައްސަސާއެއްގެ ނުވަތަ އިންތިހާބު ކުރެވޭ އެއްވެސް ބައެއްގެ ބާރުތަކުގެ ތެރެއަށް ނުފޫޒު ފޯރުވުމަކީ އެމަނިކުފާނު ކުރެއްވި ކަމެއް ނޫން ކަމަށާއި އަދި މުސްތަގުބަލުގައި ވެސް އެފަދަ ކަމެއް ނުކުރައްވާނެ ކަމަށެވެ. އަދި އެމަނިކުފާނު މަސައްކަތް ކުރައްވާނީ އެފަދަ ފަރާތްތަކުން އަދުލުވެރިކަމާއި އިންސާފާއި ހަމަހަމަކަމާއެކު، ވަކި މީހަކަށް ބެލުމެއްނެތި ހަލުވި ދުވެލީގައި މަސައްކަތްކުރަމުން ދޭތޯ ކަށަވަރުކުރެއްވުމަށް ކަމަށް ވެސް ވިދާޅުވެފައިވެ އެވެ.

ރައީސް މުއިއްޒުގެ މި ބަޔާން އައިސްފައިވަނީ އެންޓި-ކޮރަޕްޝަން ކޮމިޝަން (އޭސީސީ) އާއި އިލެކްޝަންސް ކޮމިޝަންސް (އީސީ)ގެ ރައީސާއި ނައިބު ރައީސް އައްޔަންކުރުމުގެ ބާރު ރައީސަށް ލިބޭ ގޮތަށް އިސްލާހު ގެނައުމަށް ދެ ބިލެއް ސަރުކާރުން ރައްޔިތުންގެ މަޖިލީހަށް ހުށަހެޅުމާ ގުޅިގެންނެވެ. މި އިސްލާހުތަކާ ގުޅޭގޮތުން އިދިކޮޅު ފަރާތްތަކުން ވަނީ ކަންބޮޑުވުން ފާޅުކޮށްފައެވެ.

ރައީސް މުއިއްޒު އިތުރަށް ވިދާޅުވެފައިވަނީ މިނިވަން މުއައްސަސާތަކުން އަދުލުވެރިކަމާއެކު މަސައްކަތްކުރުމަށް ބޭނުންވާ އިސްލާހުތައް ގާނޫނާއި ގަވާއިދުތަކަށް ގެންނަން ޖެހޭނަމަ، އެފަދަ އިސްލާހުތައް ގެނައުމަށް ސަރުކާރުން މަސައްކަތްކުރާނެ ކަމަށެވެ.

މިކަމުން ދޭހަވަނީ މިނިވަން މުއައްސަސާތަކުގެ މިނިވަންކަން ހިފެހެއްޓުމާއެކު، އެ މުއައްސަސާތަކުގެ މަސައްކަތްތައް އިތުރަށް ހަރުދަނާކުރުމަށް ސަރުކާރުން މަސައްކަތްކުރާނެ ކަމެވެ.