އިސްރާއީލުން "އުންރުވާ" މަނާކުރަން ގާނޫނެއް ފާސްކޮށްފި

ފަލަސްތީނުގެ ރެފިއުޖީ އެޖެންސީ (އުންރުވާ) އިން ހަރަކާތްެރިވަނީ

އިރުމަތީ ގުދުސްގައި ފަލަސްތީނުގެ ރެފިއުޖީ އެޖެންސީ (އުންރުވާ) ހިންގުން މަނާކުރާ ގާނޫނެއް ތިން މަސް ދުވަހުގެ ތެރޭގައި ފާސްކުރުމަށް އިސްރާއީލުގެ ގާނޫނު ހަދާ މަޖިލީހުން ވޯޓު ދީފިއެވެ.

މި ގާނޫނުގައި އުންރުވާގެ މުވައްޒަފުންނާއި އިސްރާއީލުގެ އޮފިޝަލުންނާ މުއާމަލާތްކުރުން ވަނީ މަނާކޮށްފައެވެ.

މި ގާނޫނާއެކު އުންރުވާއިން ޣައްޒާއަށް އެހީ ފޯރުކޮށްދިނުމަށް ވަރަށް ބޮޑަށް ދަތިވެގެން ދާނެއެވެ. އިސްރާއީލުގެ އެތެރޭގައި އުންރުވާގެ މުވައްޒަފުންނަށް ހަރަކާތްތެރިއެއް ނުވެވޭނެއެވެ. އަދި އިރުމަތީ ގުދުސްގައި ހުންނަ އެ އިދާރާގެ މައި އޮފީސް ވެސް ބަންދުކުރަން ޖެހޭނެއެވެ.

އެމެރިކާ، އިނގިރޭސިވިލާތް އަދި ޖަރުމަނުވިލާތް ފަދަ ގިނަ ގައުމުތަކުން ވަނީ މި ފިޔަވަޅާ ގުޅިގެން ވަރަށް ބޮޑަށް ކަންބޮޑުވުން ފާޅުކޮށްފައެވެ. އެމެރިކާގެ ސްޓޭޓް ޑިޕާޓްމަންޓުން ބުނީ ޣައްޒާގައި އިންސާނީ އެހީ ފޯރުކޮށްދިނުމުގައި އުންރުވާގެ ދައުރު "މުހިންމު" ކަމަށެވެ.

އިސްރާއީލުގެ ބޮޑު ވަޒީރު ބެންޖަމިން ނަތަންޔާހޫ ވިދާޅުވީ އިސްރާއީލާ ދެކޮޅަށް ޓެރަރިސްޓް ހަރަކާތްތަކުގައި ބައިވެރިވާ އުންރުވާގެ މަސައްކަތްތެރިން ޖަވާބުދާރީވާން ޖެހޭ ކަމަށާއި ނަމަވެސް ގާޒާގައި ދެމެހެއްޓެނިވި އިންސާނީ އެހީ ލިބެން ޖެހޭ ކަމަށެވެ. އިސްރާއީލުން ހިފާފައިވާ ސަރަހައްދުތަކުގައި ގާތްގަނޑަކަށް ދެ މިލިއަނަށްވުރެ ގިނަ މީހުން އުންރުވާގައި ރަޖިސްޓްރީކޮށްފައިވެއެވެ.

އިސްރާޢީލް ފަލަސްތީން