ގައްދޫ ކައިރީގައި އޮތް ސަފަރީއަކުން ގިނަ އަދަދެއްގެ ބަނގުރާ އަތުލައިގެންފި
ފުލުހުން އަތުލައިގަތް ބަނގުރާތައް / ފޮޓޯ: ފުލުހުން
ގައްދޫ ސަރަހައްދުގައި އޮތް ސަފާރީއަކުން ގާނޫނާ ޚިލާފަށް ބަނގުރާ ވިއްކަމުންދާ ކަމުގެ މަޢުލޫމާތު ލިބުމާ ގުޅިގެން ފުލުހުން ހިންގި ޚާއްޞަ އޮޕަރޭޝަނެއްގައި ގިނަ އަދަދެއްގެ ބަނގުރާ ހޯދައިފިއެވެ.
ފުލުހުންގެ ޑްރަގް އެންފޯސްމަންޓް ޑިޕާޓްމަންޓުން ބުނިގޮތުގައި، ކޯޓު އަމުރެއްގެ ދަށުން ސަފާރީ ބަލައި ފާސްކުރުމުން 1200 އަށްވުރެ ގިނަ ބަނގުރާ ދަޅާއި 100 އަށްވުރެ ގިނަ ބަނގުރާ ފުޅި ފެނިފައިވެއެވެ. މި ހުރިހާ ތަކެއްޗެއް ވަނީ ފުލުހުންގެ ބެލުމުގެ ދަށަށް ގެނެވިފައެވެ.
މި މައްސަލައާ ގުޅިގެން ދެ މީހަކު ހައްޔަރުކޮށް ސުވާލުކުރުމަށްފަހު ދޫކޮށްލާފައިވާ ކަމަށް ފުލުހުން މަޢުލޫމާތު ދީފައިވެއެވެ. އަދި މި ހާދިސާއާ ގުޅޭ އިތުރު ތަހުގީގުތައް ކުރިއަށްދާ ކަމަށްވެސް ފުލުހުން ބުނެފައިވެއެވެ.
ކޮމެންޓް