ފަލާޙް މުސާރައިގެ 10 އިންސައްތަ ނުނަގަން ނިންމަވައިފި

މަޖިލިސް މެންބަރު އިބްރާހިމް ފަލާހު

ރައީސް ޑރ. މުޙައްމަދު މުއިއްޒުގެ ނިންމެވުމަށް އެއްބާރުލުން ދެއްވުމުގެ ގޮތުން، ޕީއެންސީ ޕާލިމެންޓްރީ ގްރޫޕްގެ ލީޑަރު އަދި އިނގުރައިދޫ ދާއިރާގެ ރައްޔިތުންގެ މަޖިލިސް މެންބަރު އިބްރާހިމް ފަލާހު މެންބަރުކަމުގެ މުސާރައިގެ 10 އިންސައްތަ އެއް އަހަރު ދުވަހަށް ނުނަގަން ނިންމަވައިފިއެވެ.

މެންބަރު ފަލާޙް "އެކްސް" މެދުވެރިކޮށް ވިދާޅުވީ، އޭނާގެ މަޖިލިސް މުސާރަ އަންނަ ނޮވެމްބަރު މަހުގެ އެކަކުން ފެށިގެން އެއް އަހަރު ދުވަހަށް 10 އިންސައްތަ އުނިކުރަން ނިންމާފައިވާ ކަމަށެވެ. މިއީ ރައީސް މުއިއްޒު، ގައުމުގެ އިގުތިސާދީ ހާލަތު ރަނގަޅުކޮށް، އާމްދަނީ އިތުރުކޮށް، ޚަރަދުތައް ކުޑަކުރުމަށް އަޅުއްވަމުން ގެންދަވާ ފިޔަވަޅުތަކަށް އެއްބާރުލުން ދިނުމުގެ ގޮތުން ކަމަށް އޭނާ ވިދާޅުވިއެވެ.

މަޖިލިސް މެންބަރުންގެ މުސާރައަކީ މިހާރު ކޮމިޓީ އެލަވަންސާ އެކު 82،500 ރުފިޔާއެވެ. 10 އިންސައްތަ އުނިކުރުމުން މުސާރައިގެ ގޮތުގައި 74،250 ރުފިޔާ ލިބިލައްވާނެއެވެ. މީގެ އިތުރުން މަޖިލިސް ރައީސް އަބްދުއްރަހީމް އަބްދުﷲ ވެސް ވަނީ މުސާރައިގެ 50 ޕަސެންޓު ނުނަގަން ނިންމަވައިފައިވާކަން ހާމަކުރައްވާފައެވެ.

ޕީއެންސީ ރައްޔިތުންގެ މަޖިލިސް