"ދިޔަވަރު.ކޮމްގެ" ހަބަރުތަކާމެދު ސަމާލުވުމަށް މީޑިއާ ކައުންސިލުން އިލްތިމާސްކޮށްފި
މީޑިއާ ކައުންސިލް
"ދިޔަވަރު.ކޮމް" ވެބްސައިޓުން ފަތުރާ ހަބަރުތަކާމެދު އާންމުން ސަމާލުވުމަށް މީޑިއާ ކައުންސިލުން އިލްތިމާސްކޮށްފިއެވެ.
އެ ވެބްސައިޓަކީ ރަޖިސްޓަރީކޮށްގެން ހިންގާ ނޫހެއް ނޫންކަމަށާއި، އެ ވެބްސައިޓާ ގުޅޭގޮތުން ގިނަ ޝަކުވާތަކެއް ލިބިފައިވާކަމަށް ކައުންސިލުން ބުނެފައިވެއެވެ.
މި އަހަރު މީޑިއާ ކައުންސިލަށް ލިބުނު 77 ޝަކުވާގެ ތެރެއިން 63 ޝަކުވާއަކީ ދިޔަވަރު ވެބްސައިޓާ ގުޅޭ މައްސަލަތަކެވެ. މި ޝަކުވާތައް ބެލިއިރު، އެ ވެބްސައިޓުގައި ޝާއިޢުކޮށްފައިވާ ގިނަ ކޮންޓެންޓަކީ މީޑިއާ ކައުންސިލުގެ ގާނޫނާއި ގަވާއިދާއި އަޚްލާޤީ މިންގަނޑާ ޚިލާފު ލިޔުންތަކެއްކަން ފާހަގަކުރެވިފައިވެއެވެ.
އެހެންކަމުން، ދިޔަވަރު ވެބްސައިޓުގެ ޚަބަރުތަކުގެ ޞައްޙަކަން ކަށަވަރުކުރުމަށާއި، އެ ވެބްސައިޓުން ފަތުރާ ޚަބަރުތައް ސޯޝަލް މީޑިއާގައި ނުފެތުރުމަށް މީޑިއާ ކައުންސިލުން އިލްތިމާސްކޮށްފައިވެއެވެ. އަދި ސުރުޚީ އެކަނި ކިޔުމުގެ ބަދަލުގައި އާޓިކަލްތައް ހުޅުވައި، ނޫސްވެރިކަމުގެ ހަމަތައް ހިފަހައްޓައިގެން ލިޔެފައިވާ ޚަބަރެއްތޯ ޔަގީންކުރުމަށްވެސް އެދިފައިވެއެވެ.
މީޑިއާ ކައުންސިލުން އިތުރަށް ބުނެފައިވަނީ، ރަޖިސްޓަރީ ނުކޮށް ހިންގާ މީޑިއާތަކުގެ މައްސަލަ ބަލާނެ ގޮތެއް ނުވަތަ އެޅޭނެ ފިޔަވަޅެއް ގާނޫނާއި ގަވާއިދުގައި ނެތްކަމަށެވެ. އެހެންކަމުން، ޤައުމީ ސަލާމަތަށް ނުރައްކާވާ ފަދަ ވާހަކަތަކާއި ކުޑަކުދިންގެ ޒާތީ މަޢުލޫމާތު ފަދަ ކަންކަމުގައި އެންމެ ފަހުގެ ފިޔަވަޅެއްގެ ގޮތުން ބްލޮކްކުރުން ހިމެނޭ އުސޫލެއް އެކުލަވާލުމުގެ މަސައްކަތް ކުރަމުންދާކަމަށް ބަޔާނުގައި ފާހަގަކޮށްފައިވެއެވެ.
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ޒަރީރު އޮޅުންފިލުވައިދިނީ ތާރީޙު: ބަލްފޯ ޑިކްލަރޭޝަނަކީ މައްސަލައިގެ ފެށުން!
ޒަކާތުގެ ޝަރުއީ މަގުސަދު ހާސިލު ކުރެވޭނީ ތަނަވަސްކަމުގެ އަހުލުވެރީން، މުދަލު ޒަކާތް އަދާކޮށްގެން: ހުތުބާ
ކޮމެންޓް