ޗެމްޕިއަންސް ލީގުގައި ލިވަޕޫލް، ސިޓީ އަދި ބާސެލޯނާ މޮޅުވެއްޖެ

މި ސީޒަންގައި ލިވަޕޫލުން އަންނަނީ މޮޅުކުޅުމެއް ދައްކަމުން

ޗެމްޕިއަންސް ލީގުގައި ރޭ ކުޅުނު މެޗުތަކުން ލިވަޕޫލް، މެންޗެސްޓާ ސިޓީ އަދި ބާސެލޯނާ މޮޅުވެއްޖެ އެވެ.

ލިވަޕޫލުން އާރްބީ ލައިޕްޒިގު އަތުން 1-0 އިން މޮޅުވެ، މުބާރާތުގައި ފުރިހަމަ ރެކޯޑް ދަމަހައްޓައިފި އެވެ. ލިވަޕޫލަށް ރޭގެ މެޗުގައި ހަމައެކަނި ލަނޑު ޖަހައިދިނީ ފުރަތަމަ ހާފުގައި ޑާވިން ނޫނޭޒް އެވެ.

މެންޗެސްޓާ ސިޓީން ސްޕާޓާ ޕްރާގުގެ މައްޗަށް ކުރިހޯދީ 5-0 އިންނެވެ. ސިޓީގެ ލަނޑުތައް ޖެހީ އާލިން ހާލަންޑް (2)، ފިލް ފޯޑެން، ޖޯން ސްޓޯންސް އަދި މަތެއުސް ނޫނޭޒް އެވެ.

ބާސެލޯނާ އިން ބަޔާން މިއުނިކް ބަލިކުރީ 4-1 އިންނެވެ. ބާސެލޯނާގެ ލަނޑުތައް ޖެހީ، ރަފީނިއާ ހެޓްރިކެއްގެ އިތުރުން، ކުރިން ބަޔާނަށް ކުޅުނު ރޮބަޓް ލެވަންޑޯސްކީ އެވެ. ބަޔާންގެ ހަމައެކަނި ލަނޑު ޖެހީ ހެރީ ކޭން އެވެ.

މި ނަތީޖާތަކާ އެކު، ލިވަޕޫލަކީ މި ފަހަރުގެ ޗެމްޕިއަންސް ލީގުގައި ކުޅުނު ތިން މެޗުން މޮޅުވި ހަމައެކަނި ޓީމެވެ. އަދި ސިޓީ ހިމެނޭހެން ހަތް ޓީމަކަށް ހަތް ޕޮއިންޓް ލިބިފައިވާއިރު، ސިޓީ ތިން ވަނައިގައި އޮތީ ލަނޑުގެ ތަފާތުންނެވެ.

ޔޫއެފާ ޗެމްޕިއަންސް ލީގު ލިވަޕޫލް މެންޗެސްޓަރ ސިޓީ ބާސެލޯނާ