އިސްލާމިކް މިނިސްޓަރަށް މަރުގެ އިންޒާރު، ފުލުހުން ތަޙުޤީޤު ފަށައިފި
މިނިސްޓަރު ޑރ. މުޙައްމަދު ޝަހީމް ޢަލީ ސަޢީދު
އިސްލާމިކް މިނިސްޓަރު ޑރ. މުޙައްމަދު ޝަހީމް ޢަލީ ސަޢީދަށް މަރުގެ އިންޒާރު ދިން މައްސަލައެއް ފުލުހުން ތަޙުޤީޤުކުރަން ފަށައިފިއެވެ.
މިކަން ހާމަކޮށްފައި ވަނީ ފުލުހުންގެ އިދާރާއިން މިއަދު މީޑިއާތަކަށް ފޮނުވި މެސެޖެއްގައެވެ.
ފުލުހުންގެ ބަޔާނުގައި ވާގޮތުން، މި މައްސަލަ އިއްޔެ ސިޓީއަކުން ހުށަހަޅާފައިވެއެވެ. ނަމަވެސް، މައްސަލައިގެ އިތުރު ތަފްސީލެއް ފުލުހުން ހާމަކޮށްފައެއް ނުވެއެވެ. މިނިސްޓަރު ޝަހީމަށް މަރުގެ އިންޒާރު ދިނުމަށް ދިމާވި ސަބަބު އަދި ސާފުވެފައެއް ވެސް ނުވެއެވެ.
މި ޚަބަރާ ގުޅިގެން، ފަލަސްތީނުގެ ޙައްޤުގައި މުޒާހަރާކުރި ކަމަށް ބުނެ ކުރިން ހައްޔަރުކުރެވުނު ދެ އަންހެނުންނާ މެދު ހަރުކަށި ފިޔަވަޅު އެޅުމަށް މިނިސްޓަރު ޝަހީމް ގޮވާލި ކަމަށް ބުނާ ސްކްރީންޝޮޓްތަކެއް ސޯޝަލް މީޑިއާގައި ދައުރުވަމުންދެއެވެ. މި ދެ އަންހެނުންނަކީ ޝާދިޔާ އަޙްމަދާއި ޑރ. ޝަޒްރާ އިބްރާހީމްއެވެ.
މިނިސްޓަރު ޝަހީމްގެ މެސެޖުތަކުގައި، ރާއްޖެ ނޫން އެހެން ޤައުމެއްގައި މިފަދަ ޢަމަލެއް ހިންގި ނަމަ، އެ ދެ މީހުންނާމެދު ޢަމަލުކުރާނީ މާ ހަރުކަށިކޮށް ކަމަށް ބުނެފައިވާ ކަމަށް ވެއެވެ. މި މައްސަލައާ ގުޅިގެން ޑރ. ޝަޒްރާ ވަނީ މިނިސްޓަރު ޝަހީމަށް ފާޑުކިޔައި ސޯޝަލް މީޑިއާގައި ޕޯސްޓްތަކެއް ކުރައްވާފައެވެ.
ނަމަވެސް، މިނިސްޓަރަށް މަރުގެ އިންޒާރު ދިނުމާއި މި ހާދިސާއާ ދެމެދު ގުޅުމެއް އޮތްކަން އަދި ކަށަވަރުވެފައެއް ނުވެއެވެ. ފުލުހުން މިހާރު މި މައްސަލަ ތަޙުޤީޤުކުރަމުންދާއިރު، އާންމުންގެ މެދުގައި މި މައްސަލައާ ގުޅޭގޮތުން ކަންބޮޑުވުން ފާޅުކުރަމުންދެއެވެ.
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ޒަރީރު އޮޅުންފިލުވައިދިނީ ތާރީޙު: ބަލްފޯ ޑިކްލަރޭޝަނަކީ މައްސަލައިގެ ފެށުން!
ޒަކާތުގެ ޝަރުއީ މަގުސަދު ހާސިލު ކުރެވޭނީ ތަނަވަސްކަމުގެ އަހުލުވެރީން، މުދަލު ޒަކާތް އަދާކޮށްގެން: ހުތުބާ
ކޮމެންޓް