ޖުމްހޫރީ ދުވަހާ ގުޅިގެން ނޮވެމްބަރު 10 ސަރުކާރު ބަންދުކުރަން ނިންމައިފި
ރައީސުލްޖުމުހޫރިއްޔާގެ އޮފީސް
މި ފެށޭ ނޮވެމްބަރު މަހުގެ 10 ވާ އާދިއްތަ ދުވަހަކީ ސަރުކާރު ބަންދު ދުވަހެއްގެ ގޮތުގައި ސަރުކާރުން މިއަދު ކަނޑައަޅައިފިއެވެ.
ރައީސް އޮފީހުން މިއަދު ބުނެފައިވާ ގޮތުގައި، 10 ވަނަ ދުވަސް ބަންދުކުރަން ނިންމީ ޖުމްހޫރީ ދުވަސް ކަމުގައިވާ ނޮވެމްބަރު 11 އަކީ ޤައުމީ ބަންދު ދުވަހަކަށްވާތީއެވެ. މިގޮތަށް ނިންމުމުގެ ބޭނުމަކީ ބަންދު ދުވަސްތަކަށް މެދުކެނޑުމެއް ނައިސް ސަރުކާރު މުވައްޒަފުންނަށް ޗުއްޓީ ލިބޭނެ ގޮތް ހަމަޖެއްސުމެވެ.
މީގެ ކުރިން ވެސް ރަސްމީ ބަންދު ދުވަސްތަކާ ގުޅުވައި، ބަންދު ދުވަސްތައް މެދުކެނޑުމެއް ނެތި ދިނުމަށް ޓަކައި މިފަދައިން އަމަލުކުރާކަން ފާހަގަކުރެވެއެވެ. މި ނިންމުމާ ގުޅިގެން ނޮވެމްބަރު 10 އިން 11 އަށް ސަރުކާރު އޮފީސްތައް ބަންދުވާނެއެވެ.
ކޮމެންޓް