ޕެނަލްޓީއަކުން ރޮނާލްޑޯ ކާމިޔާބުކޮށްދިން ލަނޑާއި އެކު އަލް ނަސްރު ތާވަލުގެ ދެވަނައަށް

ސައުދީ ޕްރޮފެޝަނަލް ލީގުގައި އަލް ޝަބާބާ ދެކޮޅަށް ކުޅުނު މެޗުގައި ކެޕްޓަން ކްރިސްޓިއާނޯ ރޮނާލްޑޯ ކާމިޔާބުކޮށްދިން ލަނޑާއި އެކު 2-1 އިން ކާމިޔާބުކޮށް އަލް ނަސްރުން ތާވަލުގެ ދެވަނައަށް ޖެހިލައިފިއެވެ.

މި މޮޅާއި އެކު އަލް ނަސްރުން ވަނީ ލީގު ތާވަލުގެ އެއްވަނައިގައިވާ އަލް ހިލާލާ ދެމެދުގައިވާ ފަރަގު ހަތަރު ޕޮއިންޓަށް ކުޑަކޮށްފައެވެ.

ރޭ ކުޅެވުނު މި މެޗުގެ ފުރަތަމަ ލަނޑު ޖެހީ އަލް ނަސްރުގެ އެމެރިކް ލަޕޯޓެވެ. އަލް ޝަބާބުން މެޗުގެ ނަތީޖާ އެއްވަރުކުރީ އަލް ނަސްރުގެ ޑިފެންޑަރު އަލީ އަލް ހަސަންގެ އަތުން ބައިކޮޅަށް ވަތް ގޯލަކުންނެވެ.

މެޗުގައި އަލް ނަސްރު މޮޅުވި ލަނޑު އެޓީމަށް ލިބުނު ޕެނަލްޓީއަކުން ރޮނާލްޑޯ ކާމިޔާބުކޮށްދީފައި ވަނީ މެޗުގެ އިތުރު ވަގުތުގެ ތެރޭގައެވެ. މިއީ އޭނާގެ ޕްރޮފެޝަނަލް ކެރިއަރުގެ 907 ވަނަ ލަނޑެވެ.

މި ނަތީޖާއާއެކު، އަލް ނަސްރު ތާވަލުގެ ދެވަނާގައި އޮތީ ހަތް މެޗުން 17 ޕޮއިންޓް ހޯދައިގެންނެވެ. އަލް ޝަބާބު މިވަގުތު އޮތީ ހަތް މެޗުން 12 ޕޮއިންޓާއެކު ހަތަރުވަނައިގައެވެ.