އެމްއެންޔޫގެ 'ފަހި ފުރުސަތު' ޖޮބް ފެސްޓިވަލް އަންނަ މަހު ބާއްވަނީ

ދިވެހިރާއްޖޭގެ ގައުމީ ޔުނިވަރސިޓީ (އެމްއެންޔޫ) އިން އިންތިޒާމުކޮށްގެން ބާއްވާ 'ފަހި ފުރުސަތު' ޖޮބް ފެސްޓިވަލް އަންނަ މަހުގެ 14 އާއި 15 އަށް ބޭއްވުމަށް ނިންމައިފިއެވެ.

'ފުރާތަ މުޖުތަމައަށް އަނބުރާ ދިނުން' މި ޝިއާރުގެ ދަށުން ބޭއްވޭ މި ފެސްޓިވަލްގެ މަޤްޞަދަކީ ރާއްޖޭގެ އެކި ސަރަހައްދުތަކުގައި ހުރި ވަޒީފާގެ ފުރުސަތުތަކާއި އެކި މުއައްސަސާތަކުގައި ހުރި އާމްދަނީ ނުވަތަ މަސައްކަތުގެ ތަޖުރިބާ ލިބޭނެ ފަދަ ފުރުސަތުތައް އާންމުންނަށް ދައްކާލުމެވެ.

އެމްއެންޔޫން މިއަދު ނެރުނު ބަޔާނެއްގައި ބުނެފައިވާ ގޮތުގައި، މި ފެސްޓިވަލަކީ އެ ޔުނިވަރސިޓީން ދަސްވެނިވާ ދަރިވަރުންނަށާއި އާންމުންނަށް ވެސް އަމާޒުކޮށްގެން ބާއްވާ ހާއްސަ އިވެންޓެކެވެ. މި ފެސްޓިވަލްގައި ވަޒީފާ އުފައްދާ ފަރާތްތަކާއި ވަޒީފާ ދޭ ފަރާތްތައް، ޔުނިވަރސިޓީން ދަސްވެނިވާ ދަރިވަރުންނާއި ވަޒީފާ ހޯދާ ފަރާތްތަކާއި އެކި ކަހަލަ ފަންނީ ހުނަރުވެރި ދާއިރާތަކުން ކުރިއަށްދާން ބޭނުންވާ ފަރާތްތަކާ ގުޅުވާލަދެއެވެ.

މީގެ އިތުރުން، މި ފެސްޓިވަލްގެ މަޤްޞަދުތަކުގެ ތެރޭގައި އާންމުންނާ ހިސާބަށް އެހާ ބޮޑަށް ފޯރުކޮށްނުދެވި ހުރި އެކި ކަހަލަ ފުރުސަތުތައް، ބްރޭންޑުތައް ނުވަތަ ވައްތަރުތައް އާންމުންނާ ހަމައަށް ގެނެސް ދެވޭނެ މާހައުލެއް ގާއިމް ކުރުމާއި، ވަޒީފާގެ ބާޒާރަށް ބޭނުންވާ ހުނަރުވެރި އުފެއްދުންތެރިންނަށް އެފަދަ ފުރުސަތުތައް ޔުނިވަރސިޓީގެ ތެރެއިން ފަހިކޮށްދިނުން ހިމެނެއެވެ.

އެމްއެންޔޫން ވަނީ މިދިޔަ މެއި މަހު ވެސް ޖޮބް ފެސްޓިވަލެއް ބާއްވާފައެވެ. އެ ފަހަރު ސަރުކާރުގެ މުއައްސަސާތައް ހިމެނޭހެން 40 ފަރާތަކުން ބައިވެރިވިއެވެ. މި ފެސްޓިވަލަކީ އާންމުކޮށް ހުޅުވާލެވިފައިވާ ފެސްޓިވަލެއް ކަމަށްވުމާއެކު، ވަޒީފާ ހޯދުމަށް ޝައުޤުވެރިވާ ފަރާތްތަކަށް މި ފުރުސަތުގެ ބޭނުން ހިފުމަށް ދަޢުވަތު ދެވިފައިވެއެވެ.