އީރާނުގެ މިސައިލް ހަމަލާއިން އިސްރާއީލަށް ބޮޑެތި ގެއްލުންތަކެއް ލިބުނު
އިރާނުން އިސްރާއިލަށް ފޮނުވާލި ހަމަލާއެއް
މިމަހުގެ އެއް ވަނަ ދުވަހު އީރާނުން އިސްރާއީލަށް ދިން މިސައިލް ހަމަލާތަކުގައި އިސްރާއީލަށް މާއްދީ ބޮޑެތި ގެއްލުންތަކެއް ލިބި އެތައް ބަޔަކު ޒަޚަމްވިކަމަށް އިސްރާއީލުގެ ނޫހެއް ކަމަށްވާ "ޔަދިއޮތު އަހްރަނޮތު" އިން ހާމަކޮށްފިއެވެ.
އިސްރާއީލުގެ މަސްދަރުތަކަކާ ހަވާލާދީ އެ ނޫސް ބުނާގޮތުން އީރާނުގެ ހަމަލާތަކުގައި އިސްރާއީލުގެ ނުވަ އަސްކަރީ ބޭހަކަށް ގެއްލުންތައް ލިބުނެވެ. މީގެ ތެރޭގައި ނަވާތީމް ވައިގެ ބޭސްއަށް ބޮޑެތި ގެއްލުންތަކެއް ލިބި، އެފް-16 ފައިޓާޖެޓްތަކަށް ގެއްލުން ލިބުން ހިމެނެއެވެ.
އީރާނުގެ ހަމަލާތަކުގައި އިސްރާއީލުގެ މަދަނީ ތަންތަނަށްވެސް ލިބުނު ގެއްލުންތައް މިހާރުވަނީ އާންމުވެފައެވެ. ޓެލްއަވީވް އާއި ހައިފާގައި ލަގްޒަރީ ކޮންޑޮމީނިޔަމް އިމާރާތްތަކަކަށް ބޮޑެތި ގެއްލުންތަކެއް ލިބި، 138 އެޕާޓްމަންޓް ވަރަށް ބޮޑަށް ހަލާކުވެފައިވާކަމަށް ބުނެވެއެވެ.
އިސްރާއީލުގެ އަސްކަރިއްޔާއިން ބުނެފައިވަނީ އީރާނުގެ ހަމަލާތަކުން އެ ގައުމަށް މާބޮޑު ގެއްލުމެއް ނުލިބުނު ކަމަށެވެ. އަދި އީރާނުގެ ހަމަލާތަކާ ގުޅޭ މައުލޫމާތު ހިއްސާނުކުރުމަށާއި، އެތަންތަނުގެ ފޮޓޯ ނުނެގުމަށް އާންމުންނަށް އަންގާފައިވެއެވެ.
ކޮމެންޓް