ސިޔާމް އާއި ޒާރާގެ ކައިވެނީގެ ބޮޑު ޕާޓީ ކަމަދޫގައި ބާއްވައިފި

ރައްޔިތުންގެ މަޖިލީހުގެ މީދޫ ދާއިރާގެ މެންބަރު އަހުމަދު ސިޔާމް އާއި ނެށުންތެރިޔާ އާމިނަތު ޒާރާގެ ކައިވެނީގެ ބޮޑު ޕާޓީއެއް ރޭ ބ. ކަމަދޫގައި ބާއްވައިފިއެވެ.

މި ޕާޓީ ބޭއްވުނީ އޮކްޓޯބަރު 10 ވަނަ ދުވަހު ސިޔާމްގެ އޮޅުވެލި ރިސޯޓުގައި ބޭއްވުނު ކައިވެނީގެ ހަފްލާއަށް ފަހުގައެވެ. ރޭގެ ޕާޓީ ބޭއްވުނީ ކަމަދޫގެ މަޝްހޫރު ގޮނޑުދޮށުގައެވެ. މި ޕާޓީގައި ރަށުގެ ގިނަ ބަޔަކު ބައިވެރިވިއެވެ.

ޕާޓީގައި ލައިވް މިއުޒިކް ކުރިއަށް ދިޔައެވެ. އަދި ހަވާވެސް އަރުވާފައިވެއެވެ. ސިޔާމް އާއި ޒާރާ ކޭކު ކައިރީގައި ފޮޓޯއަށް ޕޯޒުދިން މަންޒަރުތައްވެސް މީސްމީޑިއާގައި ދައުރުވަމުންދެއެވެ.

ޒާރާ ސިޔާމްއާ ކައިވެނި ބައްލަވައިގަތީ ފައިސާގެ އަގަކަށް ރަން ކިޔައިގެންނެވެ. ނަމަވެސް އެ އަދަދު ކަށަވަރެއް ނޫނެވެ. ބައެއް މީހުން ބުނާ ގޮތުގައި ރަންކީ 2،024 ރުފިޔާއަށެވެ.

ސިޔާމްގެ އެހީގައި ކަމަދޫގެ ހުރިހާ ރައްޔިތުންނަށް ހިލޭ ބޭސްފަރުވާ ކުރެވޭނެ އިންތިޒާމު ހަމަޖައްސާފައިވާކަން ފާހަގަކޮށްލެވެއެވެ. އެމްޑީއޭގެ ރައީސްކަންވެސް ކުރައްވާ ސިޔާމް މިހާރުވެސް އުޅުއްވަނީ ދެ ބޭފުޅަކާ ކައިވެނި ބައްލަވައިގެންނެވެ.

ޒާރާއަކީ މިދިޔަ ބޮޑު އީދުގައި ކަމަދޫގައި ބޭއްވި ކުޅިވަރު ޝޯތަކުން މަޝްހޫރުވި ޒުވާން ނެށުންތެރިއެކެވެ.