އިންޑިއާއަށް އެތެރެކުރަން އުޅުނު 240 މިލިއަން ޑޮލަރުގެ މަސްތުވާތަކެތި އަތުލައިގެންފި

އިންޑިއާގެ ވެރިރަށް ދިއްލީގައި ހިންގުނު ޚާއްޞަ އޮޕަރޭޝަނެއްގައި 240 މިލިއަން ޑޮލަރުގެ މަސްތުވާތަކެތި އަތުލައިގަންފިއެވެ.

މިއީ މިދިޔަ ހަފްތާގެ ތެރޭގައި އަތުލައިގަނެވުނު ދެވަނަ ބޮޑު މަސްތުވާތަކެތީގެ މައްސަލައެވެ. އިންޑިއާގެ ނާކޮޓިކްސް ކޮންޓްރޯލް ބިއުރޯއިން މި އޮޕަރޭޝަން ކުރިއަށް ގެންދިޔައީ މަސްތުވާތަކެތީގެ ވިޔަފާރި ހުއްޓުވުމަށް ކުރަމުންދާ މަސައްކަތުގެ ތެރެއިންނެވެ.

މި އޮޕަރޭޝަނާ ގުޅިގެން 4 މީހަކު ވަނީ ހައްޔަރުކުރެވިފައެވެ. އޭގެ ތެރޭގައި އަފްޣާނިސްތާނުގެ ދެ ރައްޔިތަކާއި ލައިބީރިއާގެ ރައްޔިތަކު ހިމެނެއެވެ. އަދި އެހެން މީހަކު ހައްޔަރުކުރެވުނީ އިނގިރޭސިވިލާތަށް ފިލަން އުޅެނިކޮށެވެ.

މި ހަފްތާގެ ތެރޭގައި ޖުމްލަ 762 ކިލޯގެ މަސްތުވާތަކެތި އަތުލައިގަނެވިފައިވާ ކަމަށް ފުލުހުން ބުނެއެވެ. މި ތަކެތީގެ އަގު 7،500 ކްރޯޑް ރުޕީސްއަށް އަރާ ކަމަށް އަންދާޒާކުރެވެއެވެ. މީގެ ތެރޭގައި 500 ކި ކިލޯއަށް ވުރެ ގިނަ ކޮކެއިން ހިމެނެއެވެ.

މި މައްސަލައާ ގުޅިގެން ފުލުހުން ވަނީ ބައިނަލްއަގްވާމީ މަސްތުވާތަކެތި އެތެރެކުރާ ނެޓްވޯކެއް ހައްޔަރުކޮށްފައެވެ. އަދި މަސްތުވާތަކެތީގެ ވަބާއިން ޤައުމު ސަލާމަތްކުރުމަށް އެންމެން ގުޅިގެން މަސައްކަތްކުރުމުގެ މުހިންމުކަން އިންޑިއާގެ ސަރުކާރުން ވަނީ ފާހަގަކޮށްފައެވެ.