ލިވަޕޫލްގެ ގޯލްކީޕަރު އެލިސަން ބެކަރ އަށް އަނިޔާވެ މަހެއްހާ ދުވަހަށް ކުޅުމާ ދުރަށް

ލިވަޕޫލްގެ ގޯލްކީޕަރު، ބްރެޒިލްގެ އެލިސަން ބެކަރގެ ފައިގެ ފަލަމަސްގަނޑަށް ލިބުނު އަނިޔާގެ ސަބަބުން މަހެއްހާ ދުވަހަށް ކުޅުމާ ދުރުގައި ހުންނަން ޖެހޭ ކަމަށް އެ ކްލަބުން ބުނެފިއެވެ.

މިއީ މި ސީޒަނުގައި އެލިސަން (32) އަށް އަނިޔާގެ ސަބަބުން މެޗުތައް ގެއްލޭ ދެވަނަ ފަހަރެވެ. ކުރިން ވެސް ފަލަމަސްގަނޑަށް ލިބުނު އަނިޔާއެއްގެ ސަބަބުން މި ސީޒަނުގެ ދެ މެޗެއް ވަނީ ގެއްލިފައެވެ.

ކްރިސްޓަލް ޕެލަސްއާ ދެކޮޅަށް ކުޅުނު މެޗުގައި ލިބުނު މި އަނިޔާގެ ސަބަބުން އެލިސަންއަށް މަދުވެގެން ހަތް މެޗު ގެއްލޭނެ ކަމަށް ލަފާކުރެވެއެވެ.

މިދިޔަ ހަތަރު ސީޒަނުގައި އެލިސަންއަށް އަނިޔާގެ ސަބަބުން ޖުމުލަ 39 މެޗު ވަނީ ގެއްލިފައެވެ. މި ފަހަރުގެ އަނިޔާއާ އެކު އެ އަދަދު 50 އަށް އެރުމުގެ ފުރުސަތު އެބައޮތެވެ.

ލިވަޕޫލްގެ ކޯޗު އާނާ ސްލޮޓް ބުނީ، ބަދަލުގައި ކުޅޭނެ ކޮއިމްހިން ކެލަހާއަކީ ޓީމުގެ ފެންވަރު ހިފެހެއްޓޭނެ ކީޕަރެއް ކަމަށެވެ.

އެލިސަން ވަނީ 2018 ގައި ރޯމާ ދޫކޮށް ލިވަޕޫލަށް ބަދަލުވެ، 200 އަށް ވުރެ ގިނަ މެޗު ކުޅެދީފައެވެ. މި ސީޒަން ފެށުމުގެ ކުރިން އޭނާއަށް ސައުދީ ޕްރޯ ލީގުގެ އަލް ނަސްރުން ހުށަހެޅުމެއް ލިބުނުނު ނަމަވެސް، ލިވަޕޫލްގައި މަޑުކުރަން ނިންމިއެވެ.