މާލީ އިސްލާހުތައް ލަސްނުކޮށް ތަންފީޒުކުރުމަށް ވޯލްޑް ބޭންކުން ރާއްޖެއަށް އިލްތިމާސްކޮށްފި

ރާއްޖޭގެ މާލީ ހާލަތު ވަނީ ނާޒުކު ފައްތަރެއްގައި

މިދިޔަ ފެބުރުއަރީ މަހު އިއުލާން ކުރި މާލީ އިސްލާހުތައް ލަސްނުކޮށް ތަންފީޒުކުރުމަށް ވޯލްޑް ބޭންކުން ރާއްޖެއަށް އިލްތިމާސްކޮށްފިއެވެ.

މިއަދު ނެރުނު "މޯލްޑިވްސް ޑިވެލޮޕްމެންޓު އަޕްޑޭޓް" ރިޕޯޓުގައި ވޯލްޑް ބޭންކުން ބުނީ ރާއްޖޭގެ އުމްރާނީ ތަރައްގީ ދެމެހެއްޓުމަށް މާލީ އިސްލާހުތައް ލަސްނުކޮށް ތަންފީޒުކުރަން ޖެހޭ ކަމަށެވެ.

ރިޕޯޓުގައި ފާހަގަކޮށްފައިވާ މުހިންމު ކަންތައްތަކުގެ ތެރޭގައި، ޓާގެޓެޑް ސަބްސިޑީ ނިޒާމަކަށް ބަދަލުވުމާއި، އާސަންދަ ނިޒާމު ހަރުދަނާކުރުމާއި، ސަރުކާރު ކުންފުނިތަކުގެ ހިންގުން ހަރުދަނާކުރުން ހިމެނެއެވެ. އަދި ހަރަދު ކުޑަކޮށް، އާމްދަނީ އިތުރުކުރުމަށް ޓެކްސް ނިޒާމަށް ގެންނަން ނިންމާފައިވާ ބަދަލުތައް އަވަސްކުރުމަށް ވަނީ ގޮވާލާފައެވެ.

ވޯލްޑް ބޭންކުގެ ރީޖަނަލް ކަންޓްރީ ޑިރެކްޓަރު ޑޭވިޑް ސިސްލެން ވިދާޅުވީ ރާއްޖޭގެ ތަރައްގީގެ އުންމީދުތައް ދެމެހެއްޓޭނީ މިހާރު ކުރިމަތިވެފައިވާ މާލީ ގޮންޖެހުންތަކަށް ހައްލު ހޯދިގެން ކަމަށެވެ. މި ރިޕޯޓުން ދައްކުވައިދެނީ ރާއްޖޭގެ އިގްތިސާދީ ހާލަތު ރަނގަޅުކުރުމކުރުމަށް އަވަސް ފިޔަވަޅުތަކެއް އަޅަންޖެހިފައިވާ މިންވަރެވެ.

މި ރިޕޯޓުގައި ފާހަގަކޮށްފައިވާ އަނެއް މުހިންމު ނުކުތާއަކީ ރާއްޖޭގެ ބޭރު ފައިސާގެ ރިޒާވު ހުރީ 442 މިލިއަން ޑޮލަރުގައި ކަމާއި، މިއީ ގާތްގަނޑަކަށް ދޮޅު މަހުގެ އިމްޕޯޓަށް ވާ މިންވަރު ކަމެވެ. އަދި ރާއްޖޭގެ ދަރަނި ބޮލަކަށް ޖެހޭ އަދަދު %110.4 ގައި ހުރިކަން ފާހަގަކޮށް، މިއީ ކަންބޮޑުވާންޖެހޭ މިންވަރެއް ކަމަށް ވޯލްޑް ބޭންކުން ވަނީ އިންޒާރުދީފައެވެ.

ބޭންކް ވޯލްޑް ބޭންކު