އިންޑިއާއާއެކު ގުޅުން ބަދަހިކުރަނީ މެނިފެސްޓޯގައި ބަޔާންކުރި ސިޔާސަތާ އެއްގޮތަށް: ރައީސް މުއިއްޒު

މި ސަރުކާރުން އިންޑިއާއާ އެކު ގުޅުން ބަދަހިކުރަމުންދަނީ، މެނިފެސްޓޯ ލޯންޗު ކުރުމާއެކު ފުރަތަމަ ދުވަހު ވެސް އިއުލާނު ކުރެއްވި ހާރިޖީ ސިޔާސަތާ އެއްގޮތަށް ކަމަށް ރައީސް މުހައްމަދު މުއިއްޒު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ، އިންޑިއާއަށް މިވަގުތު ކުރައްވަމުންދާ ދަތުރުފުޅުގައި ބެންގަލޫރުގައި ދިރިއުޅެމުންދާ ދިވެހިންނާ އެކު ބޭއްވި ބައްދަލުވުމެއްގައި ވާހަކަދައްކަވަމުންނެވެ.

ރައީސް ފާހަގަކުރެއްވި ގޮތުގައި އެ ސިޔާސަތަކީ ދިވެހި ރައްޔިތުންނާއި ދިވެހި ގައުމު އިސްކުރުމުގެ ސިޔާސަތެކެވެ. އަދި ދިވެހި ރައްޔިތުންނާއި ދިވެހި ގައުމަށް ފަހިވާ ގޮތަށް ކަންކަން ފަހިކުރެވޭ ގޮތަށް އެހީތެރިކަން ދޭ ހުރިހާ ގައުމަކާ އެކުގައި ގާތް ގުޅުން ބާއްވާނެ ކަމަށް ވިދާޅުވިއެވެ. އެ ގާތް ގުޅުން ބާއްވާ އިރު ރާއްޖޭގެ މިނިވަންކަމާއި ސިޔާދަތާއި އިސްތިގުލާލު ހިމާޔަތްވޔަތްވާކަން އަބަދުމެ ކަށަވަރުކުރާނެ ކަމަށް ވެސް ވިދާޅުވިއެވެ.

ރައީސް އިތުރަށް ފާހަގަކުރެއްވީ މި ދަތުރަކީ، ރާއްޖެއިން ކަނޑައެޅި މަގުސަދު ހާސިލްކުރެވުނު ކާމިޔާބު ދަތުރެއް ކަމަށާއި، އިންޑިއާއާ ގުޅިގެން ކުރެވެމުންދާ މަސައްކަތްތަކުން ރާއްޖެއަށް ބޮޑެތި ފައިދާތަކެއް ކުރާނެ ކަމަށެވެ. އަދި ދެ ގައުމުގެ ގުޅުން ވަރުގަދަވުމުން މި ސަރަހައްދުގެ އަމާންކަމާ ރައްކާތެރިކަން އިތުރުވާނެ ކަމަށް ވެސް ވިދާޅުވިއެވެ.

ރައީސް އިތުރަށް ވިދާޅުވީ، މިދިޔަ ސަރުކާރުގައި ކަންކަން ދިޔަ ގޮތަށް މި ސަރުކާރުގައި ވެސް ކަންތައް ވެދާނެ ކަމަށް ބައެއް ފަރާތްތަކުން ދައްކާ ވާހަކައިން ހީވި ނަމަވެސް އެކަން އެގޮތަށް ނުވާނެ ކަމަށެވެ. އަދި "އަޅުގަނޑުމެންގެ ގައުމުގައި އިންޑިއާ ސިފައިންނެއް ދެން ނުތިބޭނެ،" ކަމަށާއި، އެކަމަށް މިހާރު ދާއިމީ ހައްލެއް އައިސްފައިވާ ކަމަށް ވެސް ވިދާޅުވިއެވެ.

މި ދަތުރުގައި ސޮއި ކުރެވުނު މެރިޓައިމް ސެކިއުރިޓީ އެގްރިމެންޓަކީ ސިޔާސަތާ އެއްގޮތަށް ބައްޓަން ކޮށް، އެންމެންނަށް ފެންނަ ގޮތަށް އޮތް އެއްބަސްވުމެއް ކަމަށް ރައީސް ވިދާޅުވިއެވެ. އެހެން ބައެއްގެ އަތް މައްޗަށް ކަންކަން ދޫކޮށްލާ ވާހަކައެއް އޭގައި ނޯންނާނެ ކަމަށް ވެސް ވިދާޅުވިއެވެ.

ނިންމާލަމުން ރައީސް އެދިވަޑައިގަތީ، ހުރިހާ ބޭފުޅުން ވެސް މިކަންކަމުގެ ހަގީގަތް ބައްލަވައިގެން، ސަރުކާރުގެ ދެފުށްފެންނަ ހާރިޖީ ސިޔާސަތުގެ ކަންކަން އަމިއްލަފުޅަށް ދެނެވަޑައިގަތުމަށެވެ. "އެހެން ބަޔަކު ދައްކާ ވާހަކައަކަށް، އަޅުގަނޑުމެންގެ ގައުމުގެ ކަންކަމުގައި ފިކުރު ނުކުރައްވާ. ހަގީގަތް ސާފުކޮށް ފެންނަން އޮތީ،" ރައީސް ވިދާޅުވިއެވެ.

މި ބަސްތަކުން ދޭހަވަނީ، ރައީސް މުއިއްޒުގެ ސަރުކާރުން އިންޑިއާއާއެކު ގުޅުން ބަދަހިކުރަމުންދަނީ ރާއްޖޭގެ މިނިވަންކަމާއި ސިޔާދަތު ހިފަހައްޓައިގެން، ދިވެހި ރައްޔިތުންގެ މަސްލަހަތު އިސްކޮށްގެން ކަމަށެވެ. އަދި މިކަމާ ގުޅޭގޮތުން ފެތުރޭ ދޮގު މައުލޫމާތުތަކަށް ސަމާލުކަން ނުދިނުމަށް ރައްޔިތުންނަށް ގޮވާލައްވާފައިވެއެވެ.