ވެލާނާ އެއަރޕޯޓުން މަސްތުވާތަކެއްޗާއެކު މީހަކު ހައްޔަރުކޮށްފި

ވެލާނާ އިންޓަނޭޝަނަލް އެއަރޕޯޓުގެ ޑޮމެސްޓިކް ޓާމިނަލުން ފުރަން އުޅުނު ފަރާތެއްގެ ހަށިގަނޑުން މަސްތުވާތަކެތި ފެނިގެން ހައްޔަރުކޮރުކޮށްފިއެވެ.

ފުލުހުން މަޢުލޫމާތު ދެއްވާގޮތުގައި ހައްޔަރުކުރެވުނު ފަރާތަކީ ށ. ނޫމަރާ / ހަވީރީގެ، ޢަބްދުﷲ ފަޞީހް (24އ) އެވެ.

މި މަހުގެ 7 ވަނަ ދުވަހު ފުލުހުންގެ އިންޓެލިޖެންސް މަޢުލޫމާތަށް ބިނާކޮށް ކުރެވުނު ޗެކެއްގައި، އޭނާގެ ހަށިގަނޑުން 340 ގްރާމްގެ މަސްތުވާތަކެތި ކަމަށް ބެލެވޭ އެއްޗެހި ފެނުނެވެ. މި ތަކެއްޗަކީ ރާއްޖޭގެ އެހެން ރަށަކަށް ގެންދަން އުޅުނު އެއްޗެހި ކަމަށް ފުލުހުން ޝައްކުކުރެއެވެ.

މައްސަލައިގެ ތަޙްޤީޤު ކުރިއަށްދާއިރު، އިތުރު ފަރާތްތަކެއް މިކަމުގައި ބައިވެރިވެފައިވޭތޯ ބަލަމުންދާ ކަމަށް ފުލުހުން ވިދާޅުވިއެވެ. ޢަބްދުﷲ ފަޞީހް ވަނީ ކްރިމިނަލް ކޯޓުގެ އަމުރަކުން ފަސް ދުވަހަށް ބަންދުކޮށްފައެވެ.

ފުލުހުންގެ ތަޙްޤީޤު ޔުނިޓުގެ އިސް އޮފިސަރެއް ވިދާޅުވީ މަސްތުވާތަކެއްޗާ ދެކޮޅަށް ކުރެވޭ މަސައްކަތުގެ ތެރެއިން މިފަދަ ކޭސްތައް އިތުރުވަމުންދާ ކަމަށާއި، ފުލުހުންގެ ފަރާތުން މިކަމާ ދެކޮޅަށް ހަރުދަނާ ފިޔަވަޅުތަކެއް އަޅަމުންދާ ކަމަށެވެ.

މި ހާދިސާއިން ދައްކުވައިދެނީ މަސްތުވާތަކެތި ގެންގުޅުމާއި ޓްރެފިކްކުރުމުގެ މައްސަލަ ރާއްޖޭގައި އަދިވެސް ކުރިމަތިވަމުންދާކަމާއި، މިކަމާ ދެކޮޅަށް އިތުރު މަސައްކަތްތަކެއް ކުރަންޖެހިފައިވާކަމެވެ.