އިސްލާމީ މަރުކަޒުގެ މަސްފެންގަނޑު މަރާމާތުކޮށްދޭން ސްޓެލްކޯއިން އެއްބަސްވެއްޖެ

މިނިސްޓަރ ޑރ.ޝަހީމް އާއި ސްޓެލްކޯގެ އެމްޑީގެ ބައްދަލުކުރެއްވުމުގެ ތެރެއިން

އިސްލާމީ މަރުކަޒުގެ މުންނާރު ދޮށުގައި ހުންނަ މަސްފެންގަނޑު މަރާމާތު ކުރުމަށް ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން ޝައުގުވެރިކަން ފާޅުކޮށްފިއެވެ.

މި މަސައްކަތް ކުރުމަށް ސްޓެލްކޯއިން ނިންމާފައިވަނީ އެ ކުންފުނީގެ ކޯޕަރޭޓް ސޯޝަލް ރެސްޕޮންސިބިލިޓީ (ސީއެސްއާރް) ޕްރޮގްރާމްގެ ދަށުންނެވެ.

މިކަން ހާމަކުރައްވާފައި ވަނީ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު، ސްޓެލްކޯގެ މެނޭޖިން ޑިރެކްޓަރު ހުސެއިން ފަހުމީއާއެކު ބޭއްވި ބައްދަލުވުމެއްގައެވެ. ސްޓެލްކޯގެ އެމްޑީ ފަހުމީ ވިދާޅުވީ، ރާއްޖޭގެ ސަގާފީ އަދި ދީނީ ތަންތަން ހިމާޔަތްކުރުމަށް އެހީތެރިވުމަކީ ސްޓެލްކޯއިން އަބަދުވެސް އިސްކަންދޭ ކަމެއް ކަމަށާއި، އެއީ އެ ކުންފުންޏަށް ލިބޭ ޝަރަފެއް ކަމަށެވެ.

މި ނިންމުމާއެކު، ކުރިން އިސްލާމިކް މިނިސްޓްރީން އިސްލާމީ މަރުކަޒަށް 40 އަހަރު ފުރުމާ ގުޅުވައިގެން މަސްފެންގަނޑެއް ހެދުމަށް ކުރި އިޢުލާން ބާޠިލުކޮށްފައިވާކަން ފާހަގަކުރެވެއެވެ.

އިސްލާމިކް މިނިސްޓްރީ ސްޓެލްކޯ