މާލޭ އުސްފަސްގަނޑު ކައިރިން މަރުވެފައިވާ ދިވެހި ފިރިހެނެއްގެ ހަށިގަނޑު ފެނިއްޖެ

މިއަދު ހަވީރު 5:06 ހާއިރު މާލޭ އުސްފަސްގަނޑާ ދިމާލު ކަނޑުމަތިން ދިވެހި ފިރިހެނެއްގެ ހަށިގަނޑު މަރުވެފައި އޮއްވާ ފެނުނު ކަމަށް މޯލްޑިވްސް ޕޮލިސް ސަރވިސްއިން ހާމަކޮށްފިއެވެ.

ފުލުހުން ބުނާ ގޮތުގައި މި މައްސަލައިގެ ރިޕޯޓު ލިބުމާއެކު ވަގުތުން ތަޙުޤީޤު ފަށައި، ހަށިގަނޑު އައިޖީއެމްއެޗަށް ގެންގޮސްފައިވެއެވެ. ހޮސްޕިޓަލުން ދީފައިވާ މަޢުލޫމާތުގައި، ހަށިގަނޑު ގެންދިޔައިރުވެސް އެ ފަރާތް ވަނީ މަރުވެފައި ކަމަށް ފުލުހުން ފާހަގަކޮށްފައިވެއެވެ.

މި ހާދިސާ ހިނގި ސަރަހައްދުގައި ތިބި ބައެއް މީހުން ބުނާ ގޮތުގައި މަރުވެފައި އޮތް ފިރިހެނާގެ ނިތްކުރީގައި ޒަޚަމްތަކެއް ފެނިފައިވެއެވެ. ނަމަވެސް މި މަޢުލޫމާތު އަދި ރަސްމީކޮށް ކަށަވަރުކުރެވިފައެއް ނުވެއެވެ.

މި ހާދިސާއާ ގުޅޭ އިތުރު ތަފްސީލު ހާމަކުރުމަށް ފުލުހުން އިންކާރުކޮށްފައިވާއިރު، މައްސަލައިގެ ތަޙުޤީޤު ކުރިއަށްދާ ކަމަށް ބުނެފައިވެއެވެ. އަދި އާންމުންގެ ފަރާތުން މި މައްސަލައާ ގުޅޭ އެއްވެސް މަޢުލޫމާތެއް ލިބިފައިވާނަމަ، މަ، ފުލުހުންނާ ހިއްސާކުރުމަށް އެދިފައިވެއެވެ.

ފާހަގަކޮށްލެވޭ ގޮތުގައި މިދިޔަ މެއި މަހު ސިނަމާލެ ބްރިޖު ކައިރިން ވެސް މަރުވެފައިވާ ބިދޭސީ އަންހެނެއްގެ ހަށިގަނޑު ފެނިފައިވެއެވެ. މި ދެ ހާދިސާއާ ދެމެދު ގުޅުމެއް އޮތްކަން އަދި ކަށަވަރުކުރެވިފައެއް ނުވެއެވެ.