ނަސްރުالله އަވަހާރަކޮށްލަން ބޭނުންކުރީ އެމެރިކާއިން އުފެއްދި ބޮމެއް - މާކް ކެލީ

ލުބުނާނުގެ ބެކާ ވާދީގައި އޮންނަ ބާލްބެކް ސިޓީއަށް އިސްރާއީލުން ވައިގެ ހަމަލާއެއް ދިން ތަނުން ދުން އަރަނީ:- ފޮޓޯ: ނިދާލް ސޯލްހް/އޭއެފްޕީ/ގެޓީ އިމޭޖްސް

ހިޒްބުاللهގެ އިސްވެރިޔާ ހަސަން ނަޞްރުﷲ އަވަހާރަކޮށްލުމަށް، އިސްރާއީލުން ބޭނުންކުރި ބޮމަކީ އެމެރިކާއިން އުފެއްދި ބޮމެއް ކަމަށް އެމެރިކާގެ ސެނެޓަރު މާކް ކެލީ ވިދާޅުވެއްޖެއެވެ.

އެމެރިކާގެ ސެނެޓްގެ އާމްޑް ސާވިސަސް އެއާލޭންޑް ސަބް ކޮމިޓީގެ މުގައްރިރު މާކް ކެލީ މިހެން ވިދާޅުވީ، އާދީއްތަ ދުވަހު އެންބީސީއަށް ދެއްވި ބަސްދީގަތުމެއްގައެވެ. ކެލީ ވިދާޅުވީ ނަސްރުﷲ އަވަހާރަކޮށްލަން އިޒްރޭލުން ބޭނުންކުރީ އެމެރިކާއިން އުފައްދާފައިވާ، 2،000 ޕައުންޑް (900 ކިލޯ) ގެ މާކް 84 ސީރީޒް ބޮމެއް ކަމަށެވެ.

"އަޅުގަނޑުމެންނަށް ފެންނަނީ ގައިޑެޑް މުނިޝަންސް، ޖޭޑީއޭއެމްސް (ޖޮއިންޓް ޑައިރެކްޓް އެޓޭކް މުނިޝަންސް) ގިނައިން ބޭނުންކުރާތަން، އެހެންވެ، އެ ވައްތަރުގެ ހަތިޔާރުތައް ފޯރުކޮށްދެމުން މިދަނީ" ކެލީ ވިދާޅުވިކަމަށް ރޮއިޓަރސްގައި ރިޕޯޓްކޮށްފައިވެއެވެ. " ނަސްރުﷲ އަވަހާރަކޮށްލުމަށް 2،000 ޕައުންޑްގެ ބޮން ބޭނުންކުރީ، އެއީ މާކް 84 ސީރީޒްގެ ބޮމެއް".

ނަސްރުالله އަވަހާރަކޮށްލުމަށް ދިން ހަމަލާގައި، މީހުން ދިރިއުޅޭ ހަ އިމާރާތެއް ބިމާ ހަމަވެ، އެތައް ބަޔަކު މަރުވެ، އެތައް ބަޔަކު ޒަހަމްވެ، ލުބުނާނަށް ގުޑުންގެނުވި، ހަމަލާގައި ބޭނުންކުރި ހަތިޔާރާ ބެހޭ ގޮތުން އިސްރާއީލުގެ އަސްކަރިއްޔާއިން އަދި އެއްޗެއް ބުނެފައެއް ނުވެއެވެ.

ހިޒްބުﷲ