ކަޅުބާޒާރުގައި ޑޮލަރު ވިޔަފާރިކުރި ދެ ބިދޭސީއަކު ޑީޕޯޓުކޮށްފި

އިމިގްރޭޝަނުން އަތުލައިގަތް ބައެއް ތަކެތި

ރާއްޖޭގައި ގަވާއިދާ ޚިލާފަށް ކަޅުބާޒާރުގައި ޑޮލަރުގެ ވިޔަފާރި ކުރަމުންދިޔަ ކަމަށް ބެލެވޭ ފަސް ބިދޭސީން ހައްޔަރުކޮށް، އޭގެ ތެރެއިން ދެ މީހަކު ޑީޕޯޓުކޮށްލައިފިއެވެ.

އިމިގްރޭޝަނުން މިއަދު ހާމަކުރި ގޮތުގައި، މި މައްސަލައިގައި ހިމެނޭ އަނެއް ތިން މީހުން މިހާރު ތިބީ ތަޙުޤީޤުގެ ބޭނުމަށް އިމިގްރޭޝަންގެ ބެލުމުގެ ދަށުގައެވެ.

މި ފަސް ބިދޭސީން ހައްޔަރުކޮށްފައިވަނީ މި މަހުގެ 5 ވަނަ ދުވަހުއެވެ. އެއީ ފުޅާ ދާއިރާއެއްގައި ގަވާއިދާ ޚިލާފަށް ޑޮލަރުގެ ވިޔަފާރި ކުރަމުންދާ ކަމަށް އިމިގްރޭޝަނަށް ލިބުނު މަޢުލޫމާތެއްގެ މައްޗަށް ބިނާކޮށެވެ.

އިމިގްރޭޝަނުން ބުނެފައިވާ ގޮތުގައި، މި މީހުން ހައްޔަރުކޮށްފައިވަނީ ޓާސްކު ފޯސްއަށް ލިބުނު މަޢުލޫމާތެއްގެ އަލީގައި، އިމިގްރޭޝަނާއި ފުލުހުން ގުޅިގެން ކުރިއަށް ގެންދިޔަ ޚާއްޞަ އޮޕަރޭޝަނެއްގެ ތެރެއިންނެވެ. މި މީހުން އަތުން އެތައް ލައްކަ ރުފިޔާއެއްގެ ފައިސާއާއި ގިނަ އަދަދެއްގެ ކްރެޑިޓް ކާޑު ފެނިފައިވާ ކަމަށްވެސް އިމިގްރޭޝަނުން ބުނެފައިވެއެވެ.

ނަމަވެސް، މި ފަސް ބިދޭސީން ނިސްބަތްވާ ޤައުމު އިމިގްރޭޝަނުން ހާމަކޮށްފައެއް ނުވެއެވެ.

އިމިގްރޭޝަން