8 މަހުން 158 ކިލޯގެ މަސްތުވާތަކެތި އަތުލައިގަތް ކަމަށް ފުލުހުން ހާމަކޮށްފި

ފުލުހުން ދަނީ މަސްތުވާތަކެތި ނައްތާލަމުން

ފުލުހުން މިއަދު ހާމަކުރި ތަފާސްހިސާބުތަކުން ދައްކާގޮތުގައި މިއަހަރުގެ ޖެނުއަރީ 1 އިން އޯގަސްޓު 31 އާ ދެމެދު 158 ކިލޯގެ މަސްތުވާތަކެތި އަތުލައިގަނެފައިވެއެވެ.

މި މުއްދަތުގައި ފުލުހުން ވަނީ 8,554 މީހުން ބަލައި ފާސްކޮށް، 712 މީހުން ހައްޔަރުކޮށްފައެވެ.

ހައްޔަރުކުރެވުނު މީހުންގެ ތެރެއިން 80 މީހުންނަކީ ބިދޭސީންކަމަށާއި، މި ބިދޭސީން މިހާރު ވަނީ އިމިގްރޭޝަނާ ހަވާލުކޮށްފައިކަމަށް ފުލުހުން ބުނެފައިވެއެވެ.

ފުލުހުން ބުނާގޮތުގައި މި މުއްދަތުގައި ޑްރަގް އެންފޯސްމެންޓް ޑިޕާޓްމަންޓުން ޖުމުލަ 113 އޮޕަރޭޝަން ހިންގައި، 158 ކިލޯގެ މަސްތުވާތަކެއްޗާއި 5,252 ފުޅި ބަނގުރާ އަތުލައިގަނެފައިވެއެވެ. އަތުލައިގަނެވުނު ތަކެތީގެ މަގުމަތީ އަގު 282 މިލިއަން ރުފިޔާއަށް އަރާކަމަށް ފުލުހުން ލަފާކުރެއެވެ.

ފުލުހުންގެ ޑްރަގް އެންފޯސްމެންޓު ޔުނިޓަށް މި މުއްދަތުގައި 475 މައްސަލަ ހުށަހެޅުނުއިރު، އޭގެތެރެއިން 230 މައްސަލަ ޕްރޮސެކިއުޓަރ ޖެނެރަލްގެ އޮފީހަށް ފޮނުވާފައިވާކަމަށް ފުލުހުން ބުނެފައިވެއެވެ.

ފުލުހުން