ހިޒްބުﷲ އިން އިސްރާއީލަށް މިސައިލް ހަމަލާތަކެއް ދީފި

ހިޒުބުﷲ އިން އިސްރާއިލަށް ހަމަލާދެނި

ހިޒްބުﷲ އިން މިއަދު އިސްރާއީލުގެ ވެރިރަށް ޓެލްއަވީވުގެ ތިން ތަނަކަށް މެދުރާސްތާގެ މިސައިލުން ހަމަލާތަކެއް ދީފިއެވެ.

މީގެ ތެރޭގައި އިސްރާއީލުގެ ޖާސޫސީ އިދާރާ "މޫސާދު" ގެ ހެޑްކުއާޓަރާއި ހަތިޔާރު އުފައްދާ ކާރުޚާނާއެއް ހިމެނެއެވެ. މީގެ ކުރިން ވެސް ހިޒްބުﷲ އިން ވަނީ 120 ކިލޯމީޓަރުގެ މިސައިލުން އިސްރާއީލަށް ދެ ހަމަލާއެއް ދީފައެވެ.

ހިޒްބުﷲ ބުނާ ގޮތުން މި ހަމަލާތަކުގައި އިސްރާއީލަށް ގެއްލުންތަކެއް ލިބި، ބައެއް ތަންތަނުގައި އަލިފާން ރޯވެފައިވެއެވެ. ނަމަވެސް، އިސްރާއީލުން މިކަން ދެކޮޅު ހަދާފައެއް ނުވެއެވެ.

އިސްރާއީލުން ލުބްނާނަށް ދޭ ހަމަލާތަކުގައި މައިގަނޑު ގޮތެއްގައި އަމާޒުވަނީ އާންމުންގެ ގެދޮރާއި ސްކޫލު، ހޮސްޕިޓަލް ފަދަ މަދަނީ ތަންތަނަށެވެ. މިފަދަ ހަމަލާތަކުގައި އިއްޔެއާއި މިއަދު ލުބްނާނުގެ 600 އަށްވުރެ ގިނަ މީހުން ޝަހީދުވެ، 3000 އަށްވުރެ ގިނަ މީހުން ޒަޚަމުވެފައިވެއެވެ.

ހިޒްބުﷲ ގެ ހަމަލާތަކުގައި ވެސް އިސްރާއީލުގެ ގިނަ ބަޔަކު ޒަޚަމުވެފައިވާ ކަމަށް ބުނެވެއެވެ. އޭގެ ތެރޭގައި ގިނައީ އިސްރާއީލުގެ ސިފައިންކަމަށް ވެއެވެ.

މި ހަނގުރާމައިގައި ހިޒްބުﷲ އިން ގެންގުޅެނީ "ވޯ އޮފް އެޓްރިޝަން" ގެ ސްޓްރެޓެޖީ ކަމަށް ބެލެވެއެވެ. މިއީ ވިއެޓްނާމުން އެމެރިކާއާ ދެކޮޅަށް އަދި ކުރީގެ އަފްޣާން މުޖާހިދުން، ކުރީގެ ސޮވިއެޓް ޔުނިޔަންއާ ދެކޮޅަށް، އަދި ތާލިބާނުން އެމެރިކާއާ ދެކޮޅަށް ކުރި ހަނގުރާމަތަކުގައި ވެސް ގެންގުޅުނު ސްޓްރެޓެޖީއެކެވެ.

އިސްރާއިލް