ހުޅުމާލެއިން 30 އަހަރުގެ ފިރިހެނަކު ގެއްލިގެން ހޯދަނީ

ހުޅުމާލެއިން މީހަކު ގެއްލިގެން ހޯދުމުގެ މަސައްކަތް މޯލްޑިވްސް ޕޮލިސް ސަރވިސްއިން ފަށައިފިއެވެ.

ގެއްލިގެން ހޯދަމުންދަނީ ހުޅުމާލެ ފުލެޓް 205-2-35 ގައި މިހާރު ދިރިއުޅޭ ހއ. ހޯރަފުށި / ހީރާ، މުޙައްމަދު ސާއިފް (30 އަހަރު) އެވެ.

ފުލުހުން ދެއްވި މަޢުލޫމާތުގައިވާ ގޮތުން، ސާއިފް އެންމެ ފަހުން ފެނިފައިވަނީ އިއްޔެ ރޭ 21:00 ހާއިރު ހުޅުމާލެ ފޭސް 3 އިންނެވެ. އެ ވަގުތު އޭނާ ލައިގެން ހުރީ މަޑު ފެހިކުލައިގެ އަތްދިގު ގަމީހަކާއި ޖީންސެއް ކަމަށް ފުލުހުން ވަނީ ހާމަކމަކޮށްފައެވެ.

މުޙައްމަދު ސާއިފްގެ ޚަބަރެއް ނުވެ ގެއްލިފައިވާ ކަމަށް ފުލުހުންނަށް ރިޕޯޓުކޮށްފައިވާތީ، އޭނާ ހޯދުމުގެ މަސައްކަތް މިހާރު ދަނީ ކުރަމުންނެވެ.

ސާއިފްގެ އެއްވެސް މަޢުލޫމާތެއް ލިބިފައިވާ ފަރާތްތަކުން ފުލުހުންގެ ހޮޓްލައިން 3322111 އަށް ނުވަތަ ހުޅުމާލެ ފޭސް 2 ޕޮލިސް ސްޓޭޝަންގެ 9393351 އަށް ގުޅައި އެ މަޢުލޫމާތު ހިއްސާކުރުމަށް ފުލުހުން ވަނީ އާންމުންނަށް އިލްތިމާސްކޮށްފައެވެ.

ފުލުހުން މި މައްސަލަ ބަލަމުންދާއިރު، ގެއްލިފައިވާ ފަރާތް އަވަހަށް ހޯދުމަށް އާއިލާއާއި ރައްޓެހިން އެދެމުންދާ ކަމަށް ވެސް މަޢުލޫމާތު ލިބެއެވެ.