ރަޝިޔާ އިން އީރާނާއިއެކު މުހިއްމު އެއްބަސްވުމެއްގައި ސޮއިކުރަނީ

ރަޝިޔާ އާއި އިރާނުގެ ގުޅުން ވަރުގަދަވަނީ

ރަޝިޔާއިން އީރާނާއެކު "އިންކްލޫސިވް ސްޓްރެޓީޖިކް ޕާޓްނާޝިޕް އެއްބަސްވުމެއް"ގައި ސޮއިކުރުމުގެ ތައްޔާރީތައް ވަމުންދާކަމަށް ރަޝިޔާގެ "އާރުޓީ" ޓީވީ ނެޓްވާކުން ހާމަކޮށްފިއެވެ.

މި އެއްބަސްވުމުގައި ދިފާއީ، ވިޔަފާރި އަދި އިގުތިސާދީ މަސްލަހަތުތައް ހިމެނޭނެއެވެ.

އެއްބަސްވުމުގެ ދަށުން އީރާނަށް ރަޝިޔާގެ މަތީ ފެންވަރުގެ އަސްކަރީ ސިނާއަތްތަކުގައި ބައިވެރިވުމާއި، ޒަމާނީ ހަތިޔާރު އުފެއްދުމުގެ ފުރުސަތު ލިބޭނެއެވެ. އަދި ރަޝިޔާގެ ގޭސް އީރާނުގެ މަގުން އެހެން ގައުމުތަކަށް އެކްސްޕޯޓް ކުރުމަށް ބޭނުންވާ ހޮޅިތައްވެސް އަޅާނެއެވެ.

އަނެއްކޮޅުން، އެމެރިކާގެ ނުފޫޒު ދުނިޔޭގެ އެކި ސަރަހައްދުތަކުގައި ދަށްވަމުންދާކަން ފާހަގަކުރެވެއެވެ. އިރާގުން އެމެރިކާގެ ސިފައިން ފޭބުމަށް އެއްބަސްވެފައިވުމާއި، އީރާނުގެ ނިއުކްލިޔާ ޕްރޮގްރާމް ބެލުމުގެ ފުރުސަތު ގެއްލުމަކީ އެމެރިކާގެ ކަންބޮޑުވުންތަކެވެ.

އީރާނާއި އިންޑިއާ އާ ދެމެދު ބަދަހިވަމުންދާ އިގުތިސާދީ ގުޅުންތަކާއި، "ބްރިކްސް" ޖަމާއަތުގައި އިތުރު ގައުމުތައް ބައިވެރިވާން ތައްޔާރުވުމަކީވެސް އެމެރިކާގެ ކަންބޮޑުވުންތަކެވެ.

މި ހުރިހާ ކަމަކީ ދުނިޔޭގެ ބާރުގެ ވަޒަން ބަދަލުވަމުންދާކަމުގެ ހެކިތަކެއް ކަމަށް ބެލެވެއެވެ. އެމެރިކާގެ ނުފޫޒު ދަށްވަމުން ދާއިރު، ރަޝިޔާ އަދި އީރާން ފަދަ ގައުމުތަކުގެ ބާރު އިތުރުވަމުންދާކަން ފާހަގަކުރެވެއެވެ.

އީރާން ރަޝިޔާ