ގަވާއިދާ ޚިލާފަށް އުޅުނު 4،000 އަށްވުރެ ގިނަ ބިދޭސީން ރާއްޖެއިން ފޮނުވާލައިފި

ބިދޭސީންގެ މައްސަލަ ހައްލުކުރުމަށް އިމިގްރޭޝަނުން ބުރަ މަސައްކަތްތަކެއްކުރޭ

މޯލްޑިވްސް އިމިގްރޭޝަނުން މިއަދު ހާމަކުރި ތަފާސްހިސާބުތަކުން ދައްކާ ގޮތުގައި، މިދިޔަ 10 މަސްދުވަހުގެ ތެރޭގައި ގަވާއިދާ ޚިލާފަށް ރާއްޖޭގައި އުޅުނު 4،000 އަށްވުރެ ގިނަ ބިދޭސީން ވަނީ ޑީޕޯޓްކޮށްފައެވެ.

ސަރުކާރަށް 10 މަސް ފުރުމާ ގުޅިގެން އިމިގްރޭޝަނުން ޢާންމުކުރި މަޢުލޫމާތުތަކުން ދައްކާ ގޮތުގައި، 2022 ވަނަ އަހަރުގެ ނޮވެމްބަރު މަހުން ފެށިގެން 2023 ވަނަ އަހަރުގެ އޮގަސްޓް މަހުގެ 17 ވަނަ ދުވަހުގެ ނިޔަލަށް ޖުމްލަ 4،054 ބިދޭސީން ވަނީ ރާއްޖެއިން ފޮނުވާލާފައެވެ.

އިމިގްރޭޝަނުން ހާމަކުރި ތަފާސްހިސާބުތަކަށް ބަލާއިރު، އެންމެ ގިނަ ބިދޭސީން ފޮނުވާލާފައިވަނީ މިދިޔަ ޖޫން މަހުގައެވެ. އެ މަހު 690 ބިދޭސީން ވަނީ ޑީޕޯޓްކޮށްފައެވެ. އަދި އޭގެ ފަހުން ކޮންމެ މަހަކުވެސް ގިނަ އަދަދެއްގެ ބިދޭސީން ވަނީ ފޮނުވާލާފައެވެ. މި މަހުގެ 17 ވަނަ ދުވަހުގެ ނިޔަލަށްވެސް 663 ބިދޭސީން ވަނީ ރާއްޖެއިން ފޮނުވާލާފައެވެ.

ގަވާއިދާ ޚިލާފަށް އުޅޭ ބިދޭސީން ހޯދުމަށް މި ފަހަކަށް އައިސް އިމިގްރޭޝަނުން ވަނީ ބޮޑެތި ގިނަ އޮޕަރޭޝަންތަކެއް ހިންގާފައެވެ. މި އޮޕަރޭޝަންތަކުގައި، ރާއްޖޭގައި ގަވާއިދާ ޚިލާފަށް ބޮޑެތި ވިޔަފާރި ކުރާ މީހުންނާއި ފިލައިގެން ގިނަ ދުވަސްތަކެއް ވަންދެން އުޅުނު މީހުން ވަނީ ހޯދާފައެވެ.

މިކަމުން ދައްކުވައިދެނީ ރާއްޖޭގައި ގަވާއިދާ ޚިލާފަށް އުޅޭ ބިދޭސީންގެ މައްސަލަ ޙައްލުކުރުމަށް ސަރުކާރުން ކުރަމުންދާ މަސައްކަތުގެ ނަތީޖާއެވެ. އަދި މި މައްސަލައަށް ޙައްލެއް ހޯދުމަށް އިމިގްރޭޝަނުން ކުރަމުންދާ މަސައްކަތްތައް ދަނީ ކުރިއަށެވެ.

އިމިގްރޭޝަން