ދޮގު ފަތުރަނީ އިދިކޮޅު ފަރާތްތަކުން - ރައީސް

ރައީސް ޑރ މުޢިއްޒު

އެމަނިކުފާނަކީ ދޮގު ހަދާ އޮޅުވައިލައިގެން ރައްޔިތުންނަށް ދެރަދޭނެ މީހެއް ނޫން ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.

ރައީސް މިހެން ވިދާޅުވީހުޅުމާލެ ލޮޓް ނަންބަރު 10471، ހުސައިން ރަޝީދު، ވާދަވެރި ފަރާތްތަކުން އެކި ތުހުމަތުތައް ކޮށް ފަތުރާ ބައެއް ވާހަކަތަކުގެ ހަގީގަތް އޮޅުންފިލުވުމަށް ދެންނެވި ސުވާލުގެ ޖަވާބުދެއްވަމުންނެވެ.

ރައީސް ވިދާޅުވީ އިދިކޮޅުން ދޮގު ހަދަނީ މި ސަރުކާރުން ކުރިއަށް ގެންދާ ކަންކަމަށް އެ ފަރާތްތަކުގެ އަތުގައި ދޭނެ ޖަވާބެއް ނެތުމުން ކަމަށެވެ. އެ ސަބަބާހުރެ އިދިކޮޅު ފަރާތްތަކުން އަމިއްލައަށް އިތުރުފުޅު ހައްދަވައި ވާހަކަ އުފަންކުރާ ކަމަށެވެ.

ރައީސް ޑރ. މުއިއްޒު ރޭގެ ޖަލްސާގައި ވާހަކަފުޅު ދައްކަވަނީ. --- ވަގުތު އިމޭޖަސް: އަބްދުﷲ އަބީދު

"އަޅުގަނޑު ކެމްޕެއިން ތެރޭގައި ދެއްކި ހުރިހާ ވާހަކަތަކެއް އެ ހުރީ ލިޔެފަ ފޮތެއް ގޮތުގަ. އޭގެން އަޅުގަނޑަށް ކޯއްޗެއްތޯ އޮޅުވާލެވޭނީ. ވަކި ރަށެއްގައި ނުވަތަ މުޅި ރާއްޖެއަށް ވެސް ޝާމިލްވާ ކަމެއްގައި ދެއްކި ވާހަކައެއް މި އޮތީ ފެންނަން. އެހެންވީމަ އެ އޮތީ އަޅުގަނޑު ދެއްކި ވާހަކައިގެ ކިތާބީ ހެކި ފެންނަން. މިހާރު ވެސް އަޅުގަނޑު ދައްކާ ވާހަކައެއް ލިޔެ ފޮތަކަށް ތައްޔާރުކުރަމުން ދަނީ. ހުރިހާ ފޯރަމްތަކާއި ހުރިހާ ޕްރެސް ކޮންފަރެންސްތަކެއްގައި ދެއްކި ވާހަކަތައް ވެސް މީޑިއާތަަކަށް ދީފައިވާ ޖަވާބުތައް ވެސް އެ ހުރީ ފެންނަން. އެއްވެސް ކަމެއް ނުފޮރުވަން." ރައީސް ވިދާޅުވިއެވެ.

ރައީސް ޑރ މުޢިއްޒު