ޕީއެންސީއަށް މެމްބަރުން އިތުރު ކުރުމުގެ މަސައްކަތް އިހަވަންދޫގައި ފައްޓަވައިދެއްވީ އެމްޕީއެލްގެ ސީއީއޯ ވަޖީޙު

ސަރުކާރު ހިންގާ ޕާޓީ، ޕީއެންސީއަށް މެމްބަރުން އިތުރު ކުރުމުގެ މަސައްކަތް އިހަވަންދޫގައި ފަށައިފިއެވެ. މި ޑްރައިވް ފައްޓަވައިދެއްވީ އެމްޕީއެލްގެ ސީއީއޯ ވަޖީހްއެވެ.

ޕީއެންސީއަށް މެމްބަރުން އިތުރުކުރުމަށް ރާއްޖޭގެ އެކި ކަންކޮޅުތަކުގައި ފަށާފައިވާ މަސައްކަތްތަކާ ގުޅޭގޮތުން ޕިއެންސީގެ އޮފިޝަލަކު ވިދާޅުވީ އެ ޕާޓީއަށް މީހުން އިތުރުކުރުމަށް ބާއްވާ ހަރަކާތްތަކަކީ ސިލްސިލާކޮށް ކުރިއަށް ގެންދާ ކަމެއް ކަމަށާއި، ޕީއެންސީއަކީ ރާއްޖޭގައި އެންމެ ގިނަ މެމްބަރުން ތިބި ޕާޓީއަށް ހެދުމުގެ މަސައްކަތް ހުއްޓާނުލާ ކުރިއަށްދާނެ ކަމަށެވެ.

އޭނާ ވިދާޅުވީ މި ހަރަކާތުގެ ތެރެއިން ފޯމު ހިފައިން ޑޯ-ޓު-ޑޯ އަށް ހިނގާ، ފާޓީއަށް ވަންނަން ބޭނުންވާ މީހުންނަށް އެ ފުރުސަތު ދޭނެ ކަމަށެވެ.

އިލެކްޝަން ކޮމިޝަންގައި މިވަގުތު އެންމެ ގިނަ މެމްބަރުން ތިބި ޕާޓީޢެއްގެ ގޮތުގައި އޮތީ އިދިކޮޅު އެމްޑީޕީ އެވެ. އެ ޕާޓީގައި 50،000 މެންބަރުން ތިބިއިރު ދެވަނައަށް އެންމެ ގިނަ މީހުން ތިބީ ޕީއެންސީއާ އެކު މަސައްކަތް ކުރަމުންދާ ޕީޕީއެމް އެވެ. އެ ޕާޓީގައި 34،000 މެންބަރުން ތިބިއިރު ޕީއެންސީގައި ތިބީ 28،000 މެންބަރުންނެެވެ.