އިންޑިޔާއިން ލޯނު ފަސްކޮށްދިނުމާ ގުޅިގެން ޝާހިދު އިންޑިއާއަށް ޝުކުރު އަދާކުރައްވައިފި
އެމްޑީޕީގެ ރައީސް އބުދުﷲ ޝާހިދު
އިންޑިޔާ ސަރުކާރުން ދިވެހި ސަރުކާރަށް ދޫކޮށްފައިވާ 200 މިލިއަން ޑޮލަރުގެ ލޯނުގެ ތެރެއިން 50 މިލިއަން ޑޮލަރު ދެއްކުން އަހަރަކަށް ފަސްކޮށްދިނުމާ ގުޅިގެން އެމްޑީޕީގެ ރައީސް އަބްދުﷲ ޝާހިދު އުފާފާޅުކުރައްވައި، އިންޑިޔާއަށް ޝުކުރު އަދާކުރައްވައިފިއެވެ.
މި ލޯނަކީ 2019 ވަނަ އަހަރު ކުރީގެ ރައީސް އިބްރާހިމް މުޙައްމަދު ޞާލިޙްގެ ވެރިކަމުގައި ނަގާފައިވާ ލޯނެކެވެ.
މި ލޯނުގެ 50 މިލިއަން ޑޮލަރު ދެއްކުމުގެ ސުންގަޑި އިއްޔެގެ ނިޔަލަށް ހަމަވާއިރު، އިންޑިޔާ ސަރުކާރުން ވަނީ މި ފައިސާ ދެއްކުމުގެ މުއްދަތު އިތުރު އަހަރަކަށް ދަންމާލުމަށް އެއްބަސްވެފައެވެ. މީގެ ކުރިން މޭ މަހުގައިވެސް، އެހެން 50 މިލިއަން ޑޮލަރެއް ދެއްކުމުގެ މުއްދަތު އިތުރުކޮށްދީ، އެ ޓީބިލް ރޯލްއޯވަރ ކޮށްފައިވާކަން ފާހަގަކުރެވެއެވެ.
އެކްސްގައި ކުރެއްވި ޕޯސްޓެއްގައި ޝާހިދު ވިދާޅުވެފައިވަނީ، މިއީ ކުއްލި މާލީ އެހީއެއްގެ ގޮތުގައި ދެއްވި މުހިންމު އެހީއެއްކަމަށާއި، އިންޑިޔާއަކީ ރާއްޖެއަށް އިތުބާރު ކުރެވޭ އަދި ދެމިހުންނަ އެކުވެރިއެއްކަމަށެވެ. އަދި މި ސަރުކާރުގެ ގޮތް ނޭނގޭ ޚާރިޖީ ސިޔާސަތުތަކާއެކުވެސް، އިންޑިޔާއިން އަންނަނީ އިތުބާރު ހިފޭ ބައިވެރިއެއްކަން ސާބިތުކޮށްދެމުންކަމަށް ފާހަގަކުރައްވާފައިވެއެވެ.
މި ލޯނު ފަސްކޮށްދިނުމުގެ ނިންމުމަކީ ދިވެހިރާއްޖެއަށް މިވަގުތު ވަރަށް މުހިންމު ނިންމުމެއް ކަމަށް އިޤްތިޞާދީ މާހިރުން ދެކެއެވެ. ރާއްޖޭގެ އިޤްތިޞާދީ ހާލަތު ދަށްވެފައިވާ މި ދަނޑިވަޅުގައި، މި ފަދަ ލުޔެއް ލިބުމަކީ ސަރުކާރަށް ވަރަށް ބޮޑު ތަނަވަސްކަމެއް ލިބިގެންދާނެ ކަމެއް ކަމަށް އެ ފަރާތްތަކުން ފާހަގަކުރެއެވެ. އަދި މިކަމުން ދެ ޤައުމުގެ ދެމެދުގައި އޮތް ގުޅުން އިތުރަށް ބަދަހިވެގެންދާނެ ކަމަށްވެސް ބެލެވެއެވެ.
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ޒަރީރު އޮޅުންފިލުވައިދިނީ ތާރީޙު: ބަލްފޯ ޑިކްލަރޭޝަނަކީ މައްސަލައިގެ ފެށުން!
ޒަކާތުގެ ޝަރުއީ މަގުސަދު ހާސިލު ކުރެވޭނީ ތަނަވަސްކަމުގެ އަހުލުވެރީން، މުދަލު ޒަކާތް އަދާކޮށްގެން: ހުތުބާ
ކޮމެންޓް