ޗެމްޕިއަންސް ލީގުގައި ބާސެލޯނާ ބަލިވެ، އާސެނަލް އެއްވަރުވެއްޖެ

ބާސާ ކުޅުނު މެޗުގެ ތެރެއިން

ޔުއެފާ ޗެމްޕިއަންސް ލީގުގައި ރޭ ކުޅުނު މެޗުތަކުގައި މޮނާކޯ އަތުން ބާސެލޯނާ 2-1 އިން ބަލިވިއިރު، އަދި އެޓަލަންޓާ އާއި އާސެނަލް ބައްދަލުކުރި މެޗު 0-0 އިން އެއްވަރުވެއްޖެ އެވެ.

މޮނާކޯ ދަނޑުގައި ކުޅުނު މެޗުގައި ބާސެލޯނާގެ ޑިފެންޑަރު، އެރިކް ގާސިއާ އަށް 10 ވަނަ މިނިޓްގައި ސީދާ ރަތް ކާޑެއް ދެއްކުމާ އެކު، މޮނާކޯ އިން 16 ވަނަ މިނިޓްގައި ލީޑު ނެގި އެވެ. ނަމަވެސް ބާސެލޯނާގެ 17 އަހަރުގެ ކުޅުންތެރިޔާ ލަމީން ޔަމާލް 28 ވަނަ މިނިޓްގައި ލަނޑެއް ޖަހައި ސްކޯ އެއްވަރުކުރި އެވެ. މޮނާކޯގެ ފަރާތުން ފައިނަލް ލަނޑު 71 ވަނަ މިނިޓްގައި ޖެހީ 18 އަހަރުގެ ޖިއޮޖް އިލެނިކޭނާ އާ އެވެ.

އެޓަލަންޓާ އާއި އާސެނަލް ކުޅުނު މެޗުގައި އެޓަލަންޓާ އަށް ޕެނަލްޓީއެއް ލިބުނު ނަމަވެސް، އާސެނަލްގެ ގޯލްކީޕަރު ޑޭވިޑް ރާޔާ އެ ޕެނަލްޓީ މަތަކޮށް، އާ އާސެނަލް ބަލިވުމުން ސަލާމަތްކުރި އެވެ. މި މެޗުގައި އާސެނަލްގެ ރަހީމް ސްޓާލިން ވަނީ ޗެމްޕިއަންސް ލީގުގައި ހަތަރު ވަނަ އިނގިރޭސި ޓީމަށް ކުޅެގެން ރެކޯޑެއް ހަދައިފަ އެވެ.

އެހެން މެޗުތަކުގައި ބަޔާ ލެވަކޫސަނުން ވަނީ ފެޔަނޫޑް އަތުން 4-0 އިން މޮޅުވެފަ އެވެ. އަދި އެތުލެޓިކޯ މެޑްރިޑުން ވަނީ ފަހަތުން އަރައި، 2-1 އިން އާރްބީ ލައިޕްޒިގު ބަލިކޮށްފަ އެވެ.

ޔޫއެފާ ޗެމްޕިއަންސް ލީގު ބާސެލޯނާ އާސެނަލް