ލަންކާ އިންތިޚާބާ ގުޅިގެން ދިވެހިން ސަމާލުވުމަށް އެމްބަސީން އިލްތިމާސްކޮށްފި
ލަންކާ އިންތިހާބުގައި ވާކުރައްވާ ބައެއް ބޭފުޅުން
ސްރީ ލަންކާގައި ހޮނިހިރު ދުވަހު ބޭއްވުމަށް ހަމަޖެހިފައިވާ ރިޔާސީ އިންތިޚާބާ ގުޅިގެން، އެ ޤައުމުގައި ދިރިއުޅޭ ދިވެހިން ސަމާލުވުމަށް ލަންކާގައި ހުންނަ ދިވެހިރާއްޖޭގެ އެމްބަސީން އިލްތިމާސްކޮށްފިއެވެ.
އެމްބަސީން ނެރުނު ބަޔާނުގައި ބުނެފައިވާ ގޮތުގައި، އިންތިޚާބާ ގުޅިގެން ލަންކާގެ ސަލާމަތީ ފިޔަވަޅުތައް ވަނީ ހަރުދަނާ ކުރެވިފައެވެ.
އެމްބަސީން ދީފައިވާ މުހިންމު އިރުޝާދުތަކުގެ ތެރޭގައި، ބޭރަށް ނުކުންނައިރު ކާކުކަން އަންގައިދޭ ރަސްމީ ލިޔުމެއް ގެންގުޅުމަށާއި، ގިނަ މީހުން ޖަމާވާ ތަންތަނާއި ވޯޓުލާ މަރުކަޒުތަކާ ދުރުހެލިވުމަށް އަންގާފައިވެއެވެ. އަދި ރޭގަނޑުގެ ވަގުތުތަކުގައި ބޭރަށް ނުކުމެ ނޫޅުމަށާއި، ފުލުހުންނާއި ސަލާމަތީ ޚިދުމަތްތަކުގެ އިރުޝާދުތަކަށް ކިޔަމަންވުމަށްވެސް ލަފާދީފައިވެއެވެ.
މީގެ އިތުރުން، ޒަރޫރީ ތަކެތި ދުރާލާ ހޯދުމަށާއި، ވިސާއާ ގުޅުންހުރި ކަންކަން ކުރިއާލާ ހަމަޖެއްސުމަށް އެމްބަސީން އިލްތިމާސް ކޮށްފައިވެއެވެ. ލަންކާގެ އިޤްތިޞާދީ ޙާލަތު ދަށްވެފައިވާ ދަނޑިވަޅެއްގައި ބޭއްވޭ މި އިންތިޚާބާ ގުޅިގެން، އެ ޤައުމުގައި ދިރިއުޅޭ ދިވެހިން އިތުރު ސަމާލުކަމެއް ދިނުމަކީ މުހިންމު ކަމެއް ކަމުގައި ފާހަގަކުރެވެއެވެ.
އެމްބަސީން އިތުރަށް އަންގާފައިވަނީ، ކުއްލި ހާލަތެއް މެދުވެރިވެއްޖެނަމަ ވަގުތުން އެމްބަސީއަށް ގުޅުމަށެވެ. އަދި އިންތިޚާބާ ގުޅޭ އެންމެ ފަހުގެ މަޢުލޫމާތު ހޯދުމަށް އެމްބަސީގެ ރަސްމީ ސޯޝަލް މީޑިއާ ޗެނަލްތައް ބަލަމުން ގެންދިއުމަށްވެސް އިރުޝާދު ދީފައިވެއެވެ. މި ފިޔަވަޅުތަކަކީ ދިވެހިންގެ ސަލާމަތާއި ރައްކާތެރިކަން ކަށަވަރުކުރުމަށް އެޅޭ މުހިންމު ފިޔަވަޅުތަކެއް ކަމުގައި އެމްބަސީން ބުނެފައިވެއެވެ.
ތެދުވެރިކަމާއެކު މަސައްކަތް ކުރުމަށް ސީޕީ، ފުލުހުންގެ ކިބައިން އެދެފި
ހޫނު ގަދަކަމުން ކަރަންޓު އިގުތިސޯދު ކުރުމަށް ސްޓެލްކޯއިން އިލްތިމާސްކޮށްފި
ހުޅުމާލެ ހޮސްޕިޓަލްގެ ހިދުމަތް ފުޅާކުރަން ގިނަ މަސައްކަތްތަކެއް އެބަ ކުރަން: ނާޒިމް
މަޖީދިއްޔާއަކީ މި ގައުމުގެ އެންމެ ޝަރަފުވެރި އިލްމީ ބަގީޗާ: ރައީސް
މޫމިން ފުއާދުގެ އާ ދިވެހި ފިލްމު "އަބަދަށް" މާލެއާ އެއްކޮށް ރަށްރަށުގައި ދެއްކޭ ގޮތް ހަދައިފި
ސުވަރުގެ ހަރާމް ވާނެ މީހުން ކަނޑައެޅުމަކީ ސިޔާސީ ވާހަކައެއް ނޫން: ޝަކީލް
ހަރަމްފުޅުގެ އިމާމު، ރާއްޖެ ވަޑައިގަންނަވާނީ އަންނަ ހޯމަ ދުވަހު
ޖަމީލަށް ސައީދުގެ ރައްދެއް: ޕާޓީ ހިންގުމުގެ ނަމުގައި ގައުމާއި އާއިލާތަކަށް ކުރަނީ ފުރައްސާރަ
ގެއެއްގެ ފުރާޅު މައްޗަށް ވެއްޓިފައި އޮތް އަންހެނަކަށް ފަރުވާ ދެނީ
ސިފައިންގެ ދުވަހުގެ މަގުމަތީ ހިނގާލުން މާދަމާ މާލޭގައި
ޒަރީރު އޮޅުންފިލުވައިދިނީ ތާރީޙު: ބަލްފޯ ޑިކްލަރޭޝަނަކީ މައްސަލައިގެ ފެށުން!
ޒަކާތުގެ ޝަރުއީ މަގުސަދު ހާސިލު ކުރެވޭނީ ތަނަވަސްކަމުގެ އަހުލުވެރީން، މުދަލު ޒަކާތް އަދާކޮށްގެން: ހުތުބާ
ކޮމެންޓް