އެފްއޭއެމްގެ ކުރީގެ ރައީސް ބައްސާމްގެ މައްޗަށް ދައުވާކުރަން ހުށަހަޅައިފި

އެފްއޭއެމްގެ ކުރީގެ ރައީސް ބައްސާމް

އެފްއޭއެމްގެ ކުރީގެ ރައީސް ބައްސާމް އަދީލް ޖަލީލްގެ މައްޗަށް ދައުވާކޮށްދިނުމަށް ފުލުހުން ޕްރޮސިކިއުޓަރ ޖެނެރަލްގެ އޮފީހަށް ހުށަހަޅައިފިއެވެ.

މިއީ ކޮވިޑް-19ގެ ދަނޑިވަޅުގައި ފުޓްބޯޅަ ކްލަބްތަކަށް އެހީވުމަށް ފީފާއިން ނެގި ލޯނު ފައިސާއިން ދެ އެޕާޓްމަންޓް ގަތް މައްސަލައާ ގުޅިގެންނެވެ.

ފުލުހުން މިއަދު ބޭއްވި ނޫސްވެރިންގެ ބައްދަލުވުމެއްގައި ބުނިގޮތުގޮތުގައި، ބައްސާމްގެ އިތުރުން އެޕާޓްމަންޓް ވިއްކި އަމީން ކޮންސްޓްރަކްޝަން އާއި، އެފްއޭއެމްގެ ކުރީގެ ފައިނޭންސް ހެޑް މުހައްމަދު އަގީލް އަދި އެސޯސިއޭޝަނުގެ ކުރީގެ މުވައްޒަފެއް ކަމަށްވާ ހަސަން ވަހީދުގެ މައްޗަށްވެސް ދައުވާކުރުމަށް ހުށަހަޅާފައިވެއެވެ.

މި މައްސަލައިގައި އެއް މިލިއަން އެމެރިކާ ޑޮލަރު އަމީން ކޮންސްޓްރަކްޝަނަށް ދައްކާފައިވާކަމަށް ފުލުހުން ބުނިއިރު، އެ ފައިސާއަކީ ފީފާއިން ނެގި 1.9 މިލިއަން ޑޮލަރުގެ ކޮވިޑް ރިލީފް ލޯނުގެ ފައިސާކަން ވެސް ފުލުހުން ފާހަގަކުރިއެވެ.

މި ފަރާތްތަކުގެ މައްޗަށް ހިޔާނާތުގެ ދައުވާ، އޮޅުވާލުމުގެ ދައުވާ އަދި މަނީ ލޯންޑަރިންގގެ ދައުވާ ކުރުމަށް ހުށަހަޅާފައިވާކަމަށް ފުލުހުން މައުލޫމާތު ދިނެވެ. މީގެ އިތުރުން، އެފްއޭއެމްއަށް ބޭރުގެ ފަރާތްތަކުން ލިބޭ އެހީގެ ފައިސާ ނަހަމަ ގޮތުގައި ބޭނުންކުރާ އިތުރު މައްސަލަތަކެއް ތަޙްޤީޤު ކުރަމުންދާކަމަށްވެސް ފުލުހުން ހާމަކުރިއެވެ.

ފުލުހުން ޕީޖީ